繼續當主角

話說尋晚食得好開心，
因為整咗麵豉三文魚头湯，
原來煲多一日仲入味呀，
今日再加多啲豆腐同豆卜，
咁又可以食多餐喇！

材料:

三文魚头                  一個
蘿蔔                          一絛
滑头腐                      一合
豆卜                          一包
日本麵豉                  隨意
薑                              數片

做法:

1) 先然魚头用油炸或煎一煎，
2) 滾水落蘿蔔、三文魚头及薑，猛火煲滾後轉中火大約煲十分鈡，
3) 然後加入滑头腐、豆卜，滾起後慢火煲十分鈡，
4) 將日本麵豉加入糖攪勻(要自己試啱味)後，轉猛火然後加入麵豉，
     較啱味道，日本麵豉要逐少慢慢加入，以免過咸，
5)  滾起後加入紫菜即可享用。

**日本麵豉加入糖的原因係要中和麵豉的咸味(是我的日本同学以前教我的)

有了這個日本麵豉三文魚头湯，
其他甚麼都被比下去.........
所以弄了這個簡單的碟头飯。

主角唔易做..........
能繼續當主角的，
就當然有它的吸引力吧！
這一餐真叫人食得開心又滿足呢！