A 貨鳳梨酥

話說買咗好多新鮮菠蘿,

消滅行動正式開始......

大家話係咪好似鳳梨酥呢吓?????

噔、噔、噔......原本係咁架!


反轉變身就變咗咁....

係咪好神奇呢?????

出爐放涼之際比少爺仔發現咗添....

快手快腳咁吞咗一大件....好味呀媽咪!

大少一睇倒就話....

嘩!  鳳梨酥都整埋呀?

哈哈...咬落去才知道係A貨呢!

就係咁...呢個 Pineapple Upside Down mini cake,

無嗱嗱就變咗A貨鳳梨酥喇!

沙鍋雲吞雞

見包開雲吞...突然想食雲吞雞,

呵呵呵....又開工,

睇吓雪櫃有咩就擺埋落去喇!

嗱嗱淋整咗個上湯先....

得生菜咋...照殺!


隻雞就易話為喇....

滾熟後啤水二十分钟...洒上盬後放雪櫃備用,

話咁快就有得食架喇....

一大鍋都不消片刻就食清光,

認真夠捧場呀!

花

日本妹媽咪 Masako 星期五接放學時給我突而其來的驚喜,

好靚哦.....好有心思呢!

她說後園的花正開得茂盛...

很想送我一束玫瑰....讓我好好欣賞!

些些哦!

束花真的很美......

拔......可苦了我家的少爺仔!

由束花一擺上車那一刻可始,

少爺仔就不停咁打噴嚏....

到咗屋企放向枱樹...一行近就又打個,

可憐的少爺仔哦!

開得真係好燦爛哦!

本想擺多幾日架.....

但少爺仔好似越嚟越利害咁,

眼淚鼻水一齊嚟....花粉症發作呀!

終於都係......擺咗出後園囉!

急忙冲杯蜜糖過佢.....要即飲呀!

見少爺仔冇心機...咁就連我都影響埋架喇,

又係 Friday....求其煮算鬼數喇!

就雲吞湯喇....

加條菜就算架喇!

加多個麵咪變雲吞麵囉.....

見倒菠蘿超靚.....仲要超平,

US$1.00 一個咋,

唔買又點對得住我自己至得架!

估吓我買咗幾多個?????????


哈哈.....係四大個呀!

明明係唔多舒服嘅少爺仔,

見倒有佢至愛嘅新鮮菠蘿....

就九秒九咁撲咗埋嚟!

嘩! 好甜呀...好甜呀!

食得咁開心...咁即係咩事都冇喇!

識食少爺仔~~Surprise Onigiri

比少爺仔的 surprise....


整咗佢最鐘意嘅rice ball 比佢做 lunch...


估唔估倒今次入面放咗咩料呢?


Surprise.......


無錯....就係少爺仔最like嘅魚子喇!


係佢噚晚親自同我落order架!


仲要內外都要佈滿魚子先正咁話喎...真識食呀!


晨咁早起身開工....

哈....呢個我偷偷地加咗半隻蛋黄入去!

整咗六大件....

今天的午餐應該超滿足吧!

任務完成....等我都嘆番件先!

嘩!!! 不得了呀...

原來全部魚子真係好正架!

少爺仔果真識食哦!

士V 18

實在感恩....

風雨同路....士V 十八載!

大小姐獻上她親手弄的指環....

跟我所穿的衣服如此合襯....士V 士V

Tiramisu.....

士V...士V....

估吓係咩嚟嘅?????

焗白汁肉醬意粉....

又再士V 士V....

心心焗薯批....


滑一滑.....正到冇朋友呀!

鮮果蛋沙律....

謝謝你對我的包容、忍耐、支持及鼓勵,

讓我每天都能笑着過....

一切很美....只因有你!

熱得要命

噚晚熱到阿媽都唔認得呀!!!!

80F....要開行冷氣先瞓得着,

所以煮咩都冇晒心機....

清到就咁滾菜湯同炒飯就算數喇!

點知今日仲CCCCCCCCCCCCCCC,

104F.....OMG!!!!

大佬呀....四月咋??????

咁快就要開冷氣!!!!

今季嘅電費咪..$$$$$$$$$$$$$$?????

約咗家姐哋今日去拜山....

雖然好熱....但風和日麗,

天色仲好好添....

之後就去咗食大餐,

先嚟艇仔粥....

碎牛粥亦唔錯....

龍蝦伊麵超正哦....

生炒骨還可以吧....

少爺仔必選的鹹豬手....

臘腸雲耳芋頭蒸黄毛雞...

火鴨絲炒飯...


噚晚食得清....今日就食番夠本,

哈哈哈....食得是福哦!

咁鬼熱.....

最好就係返屋企開行冷氣.....

追劇吖嘛!!!!!!