Happy Halloween

一年一度的萬勝節又到喇,
惜逢今年喺正星期六,
咁今日就喺学校慶一慶佢先喇！
唔知點解今年好似冇乜氣氛咁,
個人都攪到冇乜心機添....
今年好馬虎呀,
希望包得靚啲可以掩人耳目喇！
噚日嗱嗱聲焗咗朱古力蛋糕仔,

呢啲比大小姐啲同学嘅...所以大件裝。

用 Hello Kitty 袋(喺香港買架)裝住夠晒方便呀！

Vegetable chips

仲有 fruit roll 同  Halloween pencil 唔記得影相添.......

返到学校真係好驚訝呀.....
竟然冇其它家長帶 treat 比小朋友,
真係全班一個都冇呀！
小朋友見倒少爺仔逐個派 treat 比佢哋時真係開心到飛起,
不定咁叫 hooray..thank you Ayden....等等....
一年一度就係希望見倒小朋友呢個開心樣喇...
希望大家今年都有一個 Happy Halloween 呀！
我哋而家出發去 trick or  treat 喇！

Oatmeal cranberries cookies

真係好耐冇整曲奇喇！
通常 oatmeal 会配 raisin...但我冇 raisin,
屋企只有 oatmeal and cranberries,
咁就試吓整呢個組合喇！

入爐前...

隨咗 cookies 仲試吓整 bar...

外脆內軟.....好正呀！

甜甜的 cookies 加上酸酸的 cranberries 味道中和啱啱好,
健康最重要...佢哋果然係最佳拍擋。

魚柳喺边度嚟？

 

一向喜歡買魚柳嚟整乜整物,
但自從在報章得知從越南入口的魚柳都打咗孕婦尿液激素,
食後嚴重危害健康之後.....十分震驚！
巳經唔敢再買, 就算要食都大多買新鮮的,
又或者是本地出品為妙。
呢次喺 Costco 買咗新鮮的 catfish fillet 嚟整呢個粟米魚柳飯,
味道鮮甜..食得放心。

隨咗唔敢買之外...
就算出外亦唔会叫呢個餸,
Fish & chip 就更加唔敢食,
大家都要以安全健康為至上呀！

幸福‧美味

其實一星期總有二、三天跟大家姐食 lunch,
食...的確可以联擊彼此感情...吹吓水喇...討論吓時事咁喇！
總之就是有着無窮無盡的話題,  而交流食的心得卻是重要的一環呢！
大家姐是烹飪高手...很多嘢都要跟她請教呢！
今次收獲甚豐.....

家鄉西米糕~~咸點
呢個真係由細食到大,  超鈡意食...
每次大家姐都会講解點易整..點樣點樣....
但我都冇心裝載...因為我知道, 只要我想食...大家姐就會即刻送上,
而家連大小姐都愛上這個西米糕...
咁就唔駛我開聲都有得食喇！
仲边駛自己整呢！嘻嘻嘻~~

裏面有冬菇..瘦肉..馬蹄..臘腸等餡料,  十分豐富。

第二樣唔会自己整嘅~~豬皮魚蛋..牛丸..柚皮,
總之覺得柚皮..豬皮都好難整得好味,
但對於大家姐嚟講就易如反掌呀！

仲有芋头糕呀....好足料呀~~
見倒嘛....有大少最鈡意嘅花生呀！

加埋XO醬嚟食....簡直係魅力沒法擋呀~~

為食嘅我可以話將幸福及美味掛勾....
有咁錫我嘅大家姐~~幸福
整咁多好嘢過我食~~美味

人生乎復何求呢！
我知足所以我很快樂！

酒橙磅蛋糕 (附食譜)

噚日大家姐一早 call 嚟約我食 lunch,
話整咗乜乜物物比我喎...好多嘢聽唔切咁多,
咁我咪嗱嗱聲整番個酒橙磅蛋糕過佢嘆吓囉！
好彩趕得切赴會前啱啱整好.....perfect！

兩磅一個...一共整咗兩個,
本來想原絛送上, 但冇咁大個盒；
結果切片先裝得落咋！

嘩.....出爐時香氣樸鼻,
實在忍唔住呀....食咗一個角仔咁多,

裝得靚靚咁...出發喇！

大家試過都激讚勁好味呀！
真係好開心....好開心呀！
至於大家姐整咗啲咩比我？？
嘩.......利害呀！
欲知詳程...下回分解。


食譜

牛油         240克
麵粉         240克
糖            130克 (已减糖 50克)
蛋             5隻
橙酒         30ml
泡打粉     1茶匙

做法：
1.  牛油和糖置大碗中，以打蛋機打成奶白色忌廉狀。
2.  逐一加入蛋打勻----一隻一隻咁加，
3.  輕輕拌入巳篩粉類及橙酒拌勻。
4.  將麵糊倒在餅模內，
5.  以攝氏200度(华氏395度)先焗10分鈡，取出在蛋糕中间割 1吋深刀痕。
6.  放回焗爐再焗 20至25分鈡(若顏色太深，可在最後 10分鈡，在蛋糕面蓋上牛油紙)。
7.  脫模、待涼、切件享用。

炸薯波(附食譜)

明明想整炸薯波,

但整極炸咗之後都变晒型,

何解呢？

好彩味道超正唧.....

炸薯波



材料: 薯仔 6個、咸牛肉 4湯匙、牛奶 2湯匙、牛油 4湯匙、麵粉大量、麵包糠大量、蛋漿一大碗


製法


1.將薯仔去皮，洗淨，烚熟。

2.趁薯仔還熱，用叉子壓碎薯仔成泥。

3.加入牛奶，牛油、咸牛肉和1/2茶匙鹽，拌勻，待涼。

4.待涼後，用手把薯泥搓成長球狀。

5.薯皮先沾上麵粉，再蘸蛋漿，最後灑上麵包糠。

6.用中火滾油，快速將薯波炸至金黃色即成。

点忍得吖....？？

睇唔倒由自可........

但每次見倒都要買,

整煎釀豆卜喇....煎魚餅喇！

無錯...鯪魚肉是也......

加埋香港入貨嘅味椒鹽....簡直就係絕配呀！

鮮茄火腿蛋，

油菜心

另一個忍唔倒手要買嘅就係超大粒栗子呢！US$2.99 一磅

烚熟即食呀.......超正呀！

噚晚懶咗一餐,  今日不敢怠慢....

認真的弄了這一餐,
鯪魚肉兩食,
鮮茄火腿炒蛋,
清炒菜心,
仲有鱷魚肉湯(冇影相添)
加埋點忍得嘅栗子小食.....

呢餐食得飽飽的....好滿足呢！

懶得出色之咸肉菜飯

懶....咪又係懶囉！
本嚟五花腩係買嚟整燒肉嘅,
但係噚晚鬼死咁攰...咪整係用鹽醃咗佢咪算鬼數囉,
今日見屋企有白菜.....
咁咪諗....不如整咸肉菜飯喇！
簡單嘛....一鑊過....嘻嘻！

做法超簡單,  先煮飯並在飯面上一同蒸熟咸肉,
然後將白菜切絲炒熟,  食時將白菜撈入白飯,
咸肉切片放面即可。
嘩....連少爺仔都話要裝飯呀！Yes！
大小姐一路食就不停係咁話正....
一人一碗...一路食一路睇电視,
連碗都洗少幾隻喇.....
呢次真係懶得夠出色呀！

減..減..減 椰汁馬豆糕[附食譜]

乜食譜到我手都会比我勁减糖粉,

唔嗜甜嘅我就偏要学人去整甜品....真攪笑,

所以我簡的食譜一定要簡單易做才能吸引倒我,

之前亦整過  http://hk.myblog.yahoo.com/Motonako-HappyDay/article?mid=105,

但我發現呢個譜容易好多噃,

咁咪又試吓囉！

嘩...呢個譜好掂呀！超滑超正....下次試吓整紅豆至得。

食譜 (改編自 Vanlily)

馬豆 50g

雲呢拿糖(或普通砂糖) 100g         (原本 150g )

粟粉 80g

忌廉 80g

椰汁 200g

水 2.5杯

 

1) 凍水落馬豆, 煲約15 mins後, 再焗至淋身

2) 忌廉, 椰汁和粟粉先拌勻

3) 水加糖煮至溶, 加入(2), 一邊攪拌一邊煮至滾(會好似火山熔岩咁啊)

4) 加入煮好的馬豆拌勻, 倒入搪過水的模中雪凍~