開心星期五....

雖然病到八彩....但亦難掩我的喜悅,

真係好開心...仲要係一日裏面一浪接一浪添！

首先接少爺仔放学時.....聽到校長喺咪度宣佈呢個学期每級的好学生名單,

好学生是由老師推介的....包括全学期在各方面的表現,

少爺仔以大比數票超越其他同級的 100 個同学勝出,

一個大獎.....三個細獎,

少爺仔竟然攞倒全級的 Grand Prize 呀！

同少爺仔去 office 攞獎......

週圍啲人都讚佢.....真係覺得好鬼 proud 呀！

係佢最鈡意嘅 Hot Wheel 呀....

屋企已經有幾套....好彩未有呢款...又有得玩喇！

少爺仔好嘢！

 

跟住就等大小姐出嚟喇.....

見佢笑容滿面咁跑出嚟都知有嘢急不及待要同我講架喇！

前兩日佢咪病都要番去測驗嘅....成績出咗,

係數学料的学期大測驗,

全班得一個人攞滿分 30/30 ....唔係大小姐,

兩個攞 29/30 ....大小姐是其中一個,

得到老師的點名讚揚....

好彩唧.....若補測打九折就唔抵喇！

大小姐的堅持病都要番去測驗是值得的....

大小姐好嘢！

未完的驚喜源源不絕的繼續有來,

番到屋企兩個又再大晒冷......

原來係学校的 Awards Assembly Invitation,

Wow....兩個都有份呀！

我話係咪人人有份架....？？

兩個就搶住咁話....梗係唔係喇！

呀边個..边個...同边個...仲有边個...边個.....都冇呀！

OK....OK....知道喇！

雖然好病....但這一天內的喜訊.....

完全掩蓋了.....將我的咳聲變作了笑聲,

貝寶.....謝謝您們給我的良方妙藥哦！

好好準備...去參加下星期的兩場頒獎典禮呢！

分組

繼少爺仔好番之後....唔想再傳染番比佢,

所以全屋迫住要分組進食.....

大少跟少爺仔無事嘅一組，

我同大小姐咳到黐肺...今日仲加埋感冒嘅一組.....好可憐呀！

我哋食嘅都以清淡為主....整咗牛丸札肉烏冬,

我都話日间有時间休息吓吖.....

大小姐就慘啲.....要番学...又多功課....又有測驗,

見佢咁勤力好開心....但同時又好心痛佢冇足夠時间休息,

傷風咳最緊要就係休息吖嘛.......

真係好矛盾呀.....希望快啲到 weekend 等佢好好咁休息吓至得呀！

傷風咳食啲有湯嘅嘢喉嚨会比較舒服啲.....

好彩呢隻日本手打烏冬咁正唧.....

我同大小姐就好似奏樂咁...食一淡就咳兩聲,

好不容易才食完呢碗正烏冬呢！

Oven Bake Clay

Weekend 有時都幾傷腦筋去諗咩比兩個寶貝玩,

記得早前買咗盒 oven bake clay,

就係咁....佢哋兩姐弟就咁消磨咗一個下畫,

兩位的傑作如下......

大小姐整呢隻....唔記得乜名喇....係 Ice Age 套戲裏面啲 character 嚟架！

少爺仔話呢個係雪人喎....我橫睇惦睇都唔知边度以雪人呢！

少爺仔整呢絛蛇就有幾成似喇.....

吓....大小姐將個 baseball 加絛繩就即变咗絛錬....有創意..係得嘅！

其實呢种玩意都唔錯架....

要花心思去創造自己喜愛的造型.....又要跟 direction 去做,

因為要焗.....所以佢哋都覺得十分有趣,

其實平時真係好難揾倒佢兩個可以玩得埋嘅嘢架喇！

呢個 oven bake clay 真係冇買錯呢！

過主

少爺仔叫做好番好多....開始有胃口喇！

識得 order 我整呢樣整嗰樣添.....

話就咁食麵包好 boring 喎....要攪攪佢等佢靚仔啲,

咁就食都食得開心啲呢！

一個唔該就摷晒我啲蔬菜模出嚟....喺度左 "cup" 右 " cup",

都不知玩得幾開心呀！

少爺仔仲話加啲煉奶一齊食至盞鬼喎.....

 

夾埋一齊變咗星星三文治囉！

今日帶番学校做 lunch ...... 個個同学仔都話好得意想試吓喎,

少爺仔就梗係同眾人分甘同味架喇！

結果.....放学一見倒我就叫晒救命.....

吓...........咩事呀？

餓死我喇媽咪......快啲快啲..我要食嘢呀！

係咁咋....想嚇死我咩！

就係咁....我巳知道少爺仔應該好番架喇.....

但我同大小姐就係噩夢嘅開始.....

因為少爺仔將佢啲咳就好似過主咁過咗去我哋度！

呢碗粥就成為了我和大小姐的晚餐了......可憐呀！

大少.....小心過埋你度呀！

2010 第一 cake...椰子鮮果忌廉蛋糕

一月二十三日    星期六

2010 的第一 cake 就係為大姐夫生日而做的......仲一做就打雙上添！

全部都係以椰子為題.....皆因壽星公鈡意椰子味嘛！

椰子鮮果忌廉蛋糕

椰批

我哋全部去咗呢度慶祝呢.....

  

 

 

 

 

我哋都簡咗超正嘅龜芩糕做飯後甜品.....正個食糖水呀！

最後當然唔少得我嗰兩個 cake 喇！

可能有一排冇整 cake ......所以自己覺得唔係咁滿意,

椰子鮮果忌廉蛋糕.....不過不失喇, 全部都清晒,

但椰批就認真嘛嘛....第一次整, 仍有很大的改良空间呢！

二月份好多人生日.....又有機会比我練習呢！

大姐夫....生日快樂！