暫停營業

超值+金奇異果

貴妃雞

美極鴨下趴

金銀蛋菠菜

砂鍋盲曹煲

豉油皇鵝腸

鐵板豆豉雞

芥蘭牛肉煎麵

咸魚雞粒炒飯

綠豆沙

秘製龜芩糕

咁多嘢食都係US$88.00，比埋 tips 先係一百蚊鬆啲，自己點餸自由度高，
仲要樣樣都咁好味添.....今餐簡直係超值又抵食呢！

食完之後即刻以九秒九速度趕返屋企........
點解？？咪就係為咗食呢個金奇異果囉....超正架....爽呀！

有骨落地

難得見倒有靚蒜心，咁就梗係唔会放過佢喇！
就整番個蒜心蜆肉嚟嘆吓先，
大小姐話要食叉燒，
少爺仔就一定要燒排骨，
冇問題..冇問題............
就每樣一半喇！
最緊要就係食得開心吖嘛！

不過講真吖........
我就鐘意燒排骨多啲喇！

有骨落地嘛............

無得傾

雜菌炒牛肉，最衰買唔倒肥牛，如果唔係仲正呀！
好彩用炒牛都 OK 唧！ 寶貝哋一向唔食菇類，
但今次大小姐喺不知情的情況下竟然破介............
仲自動自覺咁食完一件又一件，
仲大讚好味添.... 我就一路都唔出聲.....
突然.... 大小姐問我呢啲係咩嚟架媽咪~~咁正嘅，好爽呀？？
我話咁好唔好食吖......佢話好頂喇！
嘻嘻...係兩种不同种類的菇菇嚟架！
吓！ 唔係呀嘛？？點解唔係黑色嘅？？
咁即係話大小姐都唔係乜菇都唔食喇.....
隨咗冬菇同磨茹唔食之外.....原來呢兩种都 OK 噃！
但少爺仔就無得傾....唔食就唔食呀！
有性格.....

三文魚每面煎三分钟就實冇走雞，外脆內滑.......絕冇失手呢！

其實煮乜鬼都好....家人的口味最重要，
但有啲健康的食材縱使明知佢哋唔鈡意食，
我都会想盡辨法....一試再試，
總希望終有一次能煮出另至愛們接受的味道來，
今次讓我體會到只要有恆心的道理來，
大小姐肯去試這些菇類巳是跳進一大步了，
至於少爺仔雖然仍是處於無得傾的狀態....
但我会繼續努力.....為我的至愛們而努力！