Happy New Year 2010

預祝大家有個健康快樂的 2010.....

我....又要準備我哋嘅迎新年 party 喇！

Yeah.......

温暖的聖誕

今年聖誕過得好開心...

隨了二家姐、大家姐及姐夫在香港過聖誕之外,

三家姐、姐夫及姨甥們都齊集在我家...

一齊過了一個超温暖的聖誕夜。

唔多講喇...睇吓有咩食先喇....

‧焗火雞(火雞中再放入鮮雞一隻嚟焗)
‧生炒糯米飯
‧羅漢齋腐皮卷(兩食)
‧瑤柱冬茹扒白菜膽
‧焗羊葱豆仔
‧三文魚、魚子釀雞蛋
‧日本毛豆
‧哈蜜瓜火腿
‧鮑魚雞湯
‧蘋果批
‧燕麥橙莓曲奇
‧朱古力綿花糖曲奇
‧白朱古力橙莓 cupcake
‧香檳

全都食物都由我一人包辨...這天我就是在厨房中渡過，

小朋友最開心就係拆禮物時间架喇！

而我的聖誕禮物......？？

每年能與至親至愛一起渡過聖誕....

已是上天給與我最好的聖誕禮物了。

猜猜我是誰 ?? 開估喇...

首先多謝各位的參與，你哋個個都好叻呀！

大家估吓佢哋係边個 ??

呢個咪就係鄭太后囉.......
大家睇唔睇倒嗰枝鳳凰朝日呢？

呢個咪就係姚金鈐..麗妃囉！

其實呢啲都係今年我姨甥親手整比我嘅聖誕禮物,
好感動...佢真係好有心思呀！
咪以為好簡單呀...
原來头花中间的全是 Sawaski 水晶嚟架,
真係唔講得笑呢！
加埋呢束佢親手摺嘅花...
真係比佢冧 C 我喇！

姨甥咁有我心...
真係抵我咁用心去整聖誕大餐比佢嘆嘅！
Yeah! 大家姐同姐夫今日返嚟喇！

火腿芝士意粉

因為放假..日日都要煮多一餐,

少不了多咗整碟头架喇....快吖嘛！應該話係懶至啱。

呢日整咗火腿芝士意粉....芝士好香膿呀！

我鈡意用火腿粒....因為有咬口特到滋味道啲架！

今日大大話話企咗喺廚房成日........

好似有膠水咁.....好似整極都唔完咁,

日子越近....心情就越緊張...都唔知緊張啲乜？

好彩啲嘢預備得七七八八....咪到時都唔知整边樣先呀！

聽日出去買埋少少嘢就攪掂架喇...根住包埋禮物就掂晒喇！

期待聖誕的來臨.....

下午小點

兩個寶貝放咗幾日假喇.....

我就仲忙過平時咁....又要忙執屋...忙準備....

唔夠一分鈡呢個又叫嗰個又叫,

都唔知應边個先...做边樣先好；

食先 lunch 無耐...少爺仔又話肚餓，

就係咁...一日無時停...

今日喺超市見啲 orange cranberries 減價,

所以今日嘅下午小點就整咗 orange cranberries mini muffin

啲 cranberries 真係好香燈味呀....

再加個 chocolate chip ice-cream,

食到佢哋鬼咁滋味....

可能太正喇....跟住都冇聽倒有人大叫媽咪,

就係咁....我先可以繼續忙我嘅準備功夫咋！

燒味拼

好耐冇整义燒同燒排骨喇！

心思思好想食....咁就即刻動手整,

話咁快...呢碟雙拼飯就攪掂喇！

加個足料羅宋湯...簡直就係魅力沒法檔！

只可以用快、靚、正嚟形容呢餐至得呢！

隨咗少爺仔....每人飲咗兩碗呀....

原來我哋成家都鈡意食膿膿哋嘅义燒同燒排骨架！

攪到我幾難先分得平均呀...................

咪喇.....下次都係焗膿啲至得！

英式紅茶曲奇 (附食譜)

實在太忙喇....焗起之後都唔記得影相添！失敗！

我就係唧呢個英式紅茶曲奇唧咗成二佰個...手都軟埋呀！ 

不過真係好香好香呢！

英式紅茶曲奇

(from hellosweetkitty)

此份量為兩打左右

材料:

低筋粉 - 140g

無鹽牛油 - 100g

砂糖 - 70g (我減到50g)

蛋 - 40g

紅茶茶葉 - 2包 (下次可加多一包, 增加香味)

 

做法:

1. 先將牛油及糖打到變白為止.

2. 慢慢加入蛋汁, 每次都要拌勻, 再加一次蛋汁, 如果一口氣倒入會容易產生分離. 故分 2-3次落.

3. 加入低筋粉及茶葉.

4. 用切刀式拌勻.

5. 混合勻稱後, 用像皮刮刀略將麵糊刮開幫助出現光澤. 攪拌均勻後即完成.

6. 焗爐預熱170度

7. 唧花並放入焗爐以攝氏170度..華氏340度焗15mins, 直到周圍呈現蕉色即取出放涼.

8. 完成....^^