忠實粉絲.....

喺香港食咗咁多好嘢返嚟.......
真係煮咩都覺得欠缺些甚麽似的,
好彩我有三個忠實粉絲.....全力撐我,
寶貝哋仲話媽咪煮嘅係最好食嘅！

有佢哋咁嚟撐住......想唔加油都唔得喇！

肉碎豆腐

好耐...真係好耐冇食嘅莧菜,
一見即買呀.....咁有益我又點會放過呢！

合掌瓜响螺湯........甜到不得了呀！

估唔到肉碎豆腐出奇的受歡迎.....
反而莧菜寶貝就唔係咁受落,
個湯就一定冇問題喇！
呢餐我當自己合格架喇！

甜一甜先

喺香港想食正蛋糕甜品就真係話都冇咁易喇！
行到边就食到边.......梗有一间喺左近，
大小姐同少爺行過呢間鋪.....死都唔肯走,
話一定要買嚟試喎！

                                            結果買咗呢幾款嚟試囉.....

人哋話食甜品可以令人好開心,
但我覺得睇倒咁靚................
咁精緻嘅甜品巳經好開心喇！
更何況放入口中品嘗呢！
又係時候甜一甜先喇！

又食又拎....

07202009 Monday

呢晚係好友Nancy請食飯....
唔止有飯食, 仲有禮物收添呀！
每次見佢都会大派禮物,
人人有份...永不落空呢！
多謝多謝多謝晒呀Nancy姐！

呢隻係我嘅...................呢隻係大小姐嘅

Thomas 就梗係少爺仔架喇！

去边度食？潮流潮館是也。

菜色及水準都屬一般,
沒有太大的驚喜,
傾吓講吓又食吓.........
不經不覺坐咗成三粒鈡,
少爺仔就瞓足三粒鈡,
抱都抱到我手軟呀........
每次相聚,  總有說不完的話題,
一年先聚埋一次,  實在太少吧！
三個鈡又點夠我哋盡訴心中情呢？
走之前一定要再食多餐至得！

Noah's Bagels

喺灣區想食正 bagels ？
一定会諗起呢間 ~~ Noah's Bagels.
點解？試過你就知......

已經有二十年歷史嘅 Noah's Bagels,
每日新鮮出爐....堂食外賣都有,
嗰仲煙靱香軟程度.....無一可及,
配以不同類別的 cream cheese 簡直就係絕配,
呢仲西方文化中國人可能未必受落,
但我亦唔会抗拒.......
好钟意食咩？又唔係....
但食就一定指定買呢间。

今次買咗三文魚 cream cheese........好正呀！

大小姐話要加火腿同蛋喎........
攪到有啲似中式嘅飽飽咁,
不過唔緊要喇.......
最緊要係食得開心吖嘛！
當然仲要係好好味添喇！
滿足！滿足！

食足一日

07192009 Sunday

掛咗一整夜的八號波今朝一早就落咗喇！
細姑仔話請我哋食 lunch 喎.....多謝晒！
去边呢？原來係郭秀雲開嘅簡單廚房,
忘記帶相機...失敗。
啲嘢食 OK 架！不過就細碟咗啲唧！
食完嘢喺商場行咗一陣, 一陣都死呀.....

全部都係少爺仔嘅.........
佢好怕凍架.....無計喇！
咁又千幾蚊喇....一分錢一分貨呀！
跟住姑仔話帶我倆個寶貝去佢屋企玩喎！
咁我又可以鬆一鬆吓喇！
同二家姐行咗一陣就去咗翠華食 tea.....
唔錯.....唔錯！

超正奶茶及美味菠蘿油

嘆完 tea 就去咗王傑度做腳底按摩,
一按就按咗三粒鈡.....認真舒服晒,
嘩！成九点喇..........
喇喇聲喺附近食啲嘢就去接番寶貝呢！

樽裝忌簾呀.....

黑椒牛筋丸.....手打鯪魚球

食足成日......
真係超滿足的一天呢！