值得....不值得？

嘆茶真係要人多至開心架！

花款都可以食多啲嘛....

上星期日一行十人去咗順峰嘆茶,

一路食就一路傾......真係快樂不知時日過呢！

由十二点幾坐到成兩点幾呀.....哈哈！

樣樣都打双上....有啲仲叫成三碟添呀！

埋單成二佰蚊有多呀.....都唔平呀！

我覺得食物一般啫....呢個價錢絕對係唔值囉，

今次係大家姐萬歲.......多謝晒哦！

能與家人相聚一堂....說說笑笑才是最值得呢！

最多.......

鐘意整嘢嘅人....有乜係最多吖？

廚具........？？？

我最多係模模呀！

未有時间去數吓究竟有幾多....亦唔敢去數,

比我摷倒啲蛋模都有成八個咁多呀！

隨咗用嚟整冰皮月餅之外......真係用到盡呀！

又点少得整番幾隻靚蛋蛋比宝貝哋試吓吖....

哈....又有嘢玩喇！！

吸好後要浸冰水定型....

Bear bear 可愛嗎？

魚魚都唔錯噃.....

星星同心心每樣都有兩個呀,

真係冇記性呀...買完又買！

我個廚房 pantry 最多係模模巳經係事实，

粗畧估計應該有 150 個以上......

Cookies 模、月餅模、蛋模、蛋糕模、壽司模、飯模、啫喱甜品模...

真係數得出嘅我都有....好得人驚呀！

你嘅廚房最多嘅又係咩嘢呢？

整色整水

應承咗兩個 friends 要整冰皮月餅比佢哋試吓....

所以星期五又再開工,

因為佢哋都住得比較遠......

所以中秋前比唔倒佢哋,

雖然中秋巳過......但有心又点会怕遲先得架！

今次玩更加多色......

繼續整色整水呀.......哈哈哈！

同樣整咗紫蕃薯同綠豆蓉做餡,

希望佢哋都鐘意喇！

咁多顏色....你哋又鐘意乜色呢！

冰皮第二擊~~玩色

繼續忙過不停.....但都要繼續玩,

今次就玩吓顏色...

時間關係就玩住兩隻色先喇！

綠色加入香蕉油味, 粉紅色就加入椰子味！

今次整咗豆蓉哦.....

豆蓉跟紫蕃薯各有千秋....

又到玩模模時間喇喂....

各式其式.....你又鐘意边一式呢？

一至好平的豆蓉.....

辛苦了一整天.....

終於把第二輪的五十多件冰皮月餅在中秋前送了出去,

親朋好友收到時的那种喜悅....嘩！好 cute 呀！

加上味道的一至好評.....

有种說不出的滿足....用心去感受到的喜樂！

快樂就是這麼的簡單哦！！