香茜水餃

好耐冇整水餃啦...........
買咗好靚嘅芫茜，雪櫃咁啱又有兩條半肥瘦嘅梅头肉，
仲有包水餃皮............
腦海突然閃出香茜水餃這個名字來.........
仲唔係你............一於動手啦！

豬肉一定要自己斬........咁先有咬口，
仲要不時加少少水嚟斬，
最後千祈唔好忘記要好似撻生魚咁撻呀撻，
点解..........撻到起膠，咁先彈牙吖嘛！

放肉後在边边查少許蛋汁，

第一個做法係咁.......前後疊埋一切打摺，
我覺得條边边厚咗啲啲。

所以我改為單面打摺,
咁食落冇咁厚嘛！

前面係咁.........

後面係咁.........冇摺嘅！

整好晒啦.......係咪好靚仔呢！
加埋上湯..........
今日下午茶啦........
聽日早餐啦.......
又或者今晚追劇時做消夜啦........
哈哈哈！！！
Thank God is Friday！

甜酸龍利柳

今日喺通少個 blog 度睇倒佢教整甜酸龍利，
实在太吸引啦.........
加上屋企有齊所須，
就動手弄了這個甜酸龍利柳，
甜甜酸酸十分醒胃呢！

睇唔睇倒有幾多种配料呢！

個汁啱啱好...........
你估吓我食咗幾多碗飯呢？？？

雞皇飯...........碟头上

記憶中在香港的餐廳裏有种飯叫做雞皇飯..............
通常都会在中午特價時段推出，
中学時期的我都不知吃過多少次.............
但近期回港時好像未有見過雞皇飯這個名字出現過，
不知是否巳絕跡了........
又還是現香港实在有太多太多的選擇呢！

咪住..........睇真啲！！！
点解呢碟多咗啲嘢嘅？？？
冇錯呀...........咪就係我兒時最鈡意食嘅蒸咸魚仔囉！
喺呢度我要去到唐人埠先買得到呢！
仲要成 US$ 十幾二十蚊一磅呀！
乜唔係咸魚青菜係最平嘅咩？？？

昨晚剛食完炸魚柳........熱氣非常，
煲了這個竹蔗芧根馬蹄湯嚟清一清，
不用落肉煲...........全日用來當水飲，
雪凍後更是滋味無窮呢！

這一個簡單的碟头飯..............
卻教我尋回一些兒時的片段，
十分滿足的一餐啊！

椒鹽炸魚柳

由細到大都極愛吃炸魚柳，
去麥當當亦指定要食魚柳飽.........
香港係咁........美国都係咁，
從未有变心過。

椒鹽魚柳更是我的至愛.........
但這边市面找到的椒鹽实在太不像樣，
為獨最愛在香港由細食到大的味椒鹽，
重都要呀...............
上次回港就一口氣帶了十樽回來，
相信足夠嘆到下次回港吧！

睇吓你就知乜嘢叫做皮脆肉滑呢！

做法非常簡單，
先用鹽及胡椒粉醃好魚柳，
加入少許蛋白，
黏上麵包槺........................
用中火炸至金黃色，
然後再用猛火迫出油份，
上碟再用吸油紙墊底索乾剩下的油，
灑上味椒鹽..........
再配以 tartar sauce........
立刻品嘗.............
真是人生一大快事啊！

有趣的分享

剛剛收到朋友 forward 過來的电郵，

覺得十分有趣.........

很想與大家一同分享呢！

睇完之後，

記得話我聽準唔準呢！

看一下你自己的手指尾指..........準到不行啦!!!

看一下你自己的手指尾指（男左女右，手掌向自己），小拇指的

三個指節當中，指節最長的，就是你
優點
所在。

指節頭最長，此人充滿吸引力，而且語言同表達能力極佳，觀察力亦強，不容易為人所騙。

 

中間一節指節最長，代表天生擅長照顧人，並且忍耐力極強，好多醫護人員都擁有這樣的手指尾節。

手指底部一節最長，這種人喜歡自由自在，嚮往無拘無束的私人生活，此種指節同時代表能言善道，鍾意講道理，擅長辯論。

 

再看一下你自己的手指尾指（男左女右，手掌向自己），小拇指的三個指節當中，指節最短的，就是你
弱項
點所在。

第一節指節最短，此人表達能力弱，加上天生怕羞，自然較難令人了解自己，人緣也較差。

中間指節最短，代表為人忠心耿耿，處事態度經常維持一致，立場不易改變，看似優點其實不然，壞在不知變通、冥頑不靈。

手指底部一節最短，代表個性天真容易相信他人，本來都無不妥，但現今社會亂經濟差壞人多！所謂的「天真」有時會變無知，小心！

是否很準呢？？？

 

合味道的上海粗炒

在美很難找到合心意的上海粗麵，

找來這不算粗........但包裝上又註明是上海粗麵的麵，

免强合格地做了碟上海粗炒。

這边上海店鋪是有...........

但能夠弄出合味道的上海粗炒卻仍未有發現，

店鋪所食到的不是太油.......便是太多汁，

只有自己弄才真正做出 Hong kong style 的上海粗炒呢！

滂沱大雨的星期天

又是下着滂沱大雨的一個星期天，
真的大殺風景，
正在猶疑是否外出之際.......想去飲茶，
於是大家投票决定，
結果原來大家都想出外走走呢！
結果我們一行四人浩浩蕩蕩的向着酒樓進發！
可能落雨的関係........竟然唔駛等位，
而兩個小朋友最開心的卻是..........
穿上 rain boot 雨靴在 puddle 度跳來跳去。

都有一段時间沒有上茶樓了，
所以大家都吃得十分疼快呢...............
食飽飽就梗係要行街街去消化吓啦！
不過始終都係落雨濕濕，
行咗一陣然後買咗啲餸便打道回府。

買咗好耐冇整嘅牛尾，
一半用咗嚟煲羅宋湯..............
一半就用嚟炆薯仔，
再加個豆腐雜碎................掂晒。

用牛尾煲嘅羅宋湯係特別入味架！

用嚟炆薯仔........個汁撈飯特別正！

一個星期天就這樣的過去了，
雖然只是平平無奇.............
但能共享天淪之樂，
即使平淡也是滿足呢！

我的第二個忌廉蛋糕.........草莓忌廉蛋糕

二月二十五日是我三家姐的生日，
今日提早慶祝，
那又是我練習做蛋糕的時候了。

今次是大小姐跟我一齊合作做的，
她真的很細心的幫我弄好所須的士多啤梨，
每一個都抹得乾乾淨淨呢！
幫手切片切粒呢！
當然不忘边切边偷吃添..........哈哈！

二家姐上次在香港帶過來的唧咀一套，
三十五种不同 size 及 形狀，
個個都有騙號..........咁鬼 pro 我又点識用呢？
惟有試啱先唧落去啦！

一大棚人去咗食 buffet 慶祝生日，
壓軸就梗係我同大小姐合力完成嘅草莓忌廉蛋糕啦！
蛋糕一出場就嘩聲四起！！！
大家都钟意食小甜.......
最後當然係一件不留啦！
多謝大家的讚美聲.......
給與我很大的支持和鼓勵，
我会努力、加油呢！

三家姐，
生日快樂！