好旺呀！

這個七月好旺丁呀.......

二家姐啱啱返咗香港,

跟住又接來三個從香港來的好友,

左騰右騰終於都曲終人散,

嘩......鬱指一算.....七月尾架喇！

乜呢個暑假原來過咗一大半架喇？

真的時間飛逝哦.........

呢個星期都係不忙咁食、 食、食...

其實有朋自遠方來真係好開心架,

叫到成枱都係美食....一边食就一边訴說近况,

真的不亦樂乎呢！

***********************************************

又係時候報告一吓少爺仔近况喇....

每朝游完水就到網球場度等大小姐打完網球先一齊走,

睇佢幾咁嘆喺樹日光浴呢.......

無時停嘅少爺仔突然化身做蜘蛛俠咁話喎.....

小心呀......百厭星！

雖然話就話回復正常，

但都係忙過不停.........

大小姐和少爺仔分別為期五星期的 Reading Program 亦在上星期剛剛開始,

加埋之前啲游水、打波、做救生員義工.......

仲越嚟越忙咁......

無計喇.....呢個 Reading Program 係由大学舉辧的,

個個精英教授閱讀秘笈.....每堂成兩個半鐘架,

仲日日有功課添架......

閱讀能力速度的增強....無疑對各個課目都好有幫助,

這個課程仲教埋寫作技巧...如何有效劃出重點,

大小姐就讀升八年班的課程,

少爺仔就讀升ニ年班的課程,

上完第一堂返嚟都覺得佢哋明顯對閱讀有了一份熱誠,

他們更教我怎樣做個 fast reader 呢.....真係貴啲都值得,

我就再忙也是值得呢！


 

視覺享受

繼大菜糕之後又一絲絲記憶之作,

啫喱糖是也........

呢個喺街好少食得倒架,

多數係開 party 必備的小食之一,

當年整一大盆然後切粒加上椰絲就算架喇,

边樹有家陣啲模咁靚至得架！

時代變.....要求也高了,

隨了好味......也要有視覺享受至得人鐘意架！

加上椰絲當堂醒目晒呀.......

大少話靚成咁.....边捨得食呀！

真係睇見都開心咁話喎.....哈哈哈！

醉翁之意

每次二家姐過嚟都離不開食....再食.....係咁食，

其實香港幾正嘅嘢食都有....呢边真係冇得 fight 架！

吓.....二家姐竟然話呢间啲嘢食都幾唔錯噃,

係边間？？？ The Kitchen 是也。

德國咸豬手~~好夠味....又香.....好掂呀！

海參煲~~明爐上夠熱辣辣呀！

蟹肉扒大豆苗~~正到呢！

適逢二家姐牛一.......咁咪順便同佢慶生囉！

係大家姐親手做嘅雪糕蛋糕呀........十分美味！

好開心今年可以同二家姐一齊慶祝生曰,

四姊妹一聚头就有說不完的話題，

兒時趣事..........娓娓道來,

再好味的餸菜也變成了配角,

無它嘅........皆因醉翁之意不在酒.....

而是相聚時的美好時刻,

但美好的時刻卻往往過得特別快,

無奈地期待着下一次的聚會呢！

絲絲記憶

有些記憶縱使十年、二十年、甚至三十年也不會忘懷,

而這些記憶卻往往跟食物都會有少少關連,

究竟係我太為食吖............

又抑或是開心的回憶亦總會跟食有離不開的密切關係呢？

仍記得小学時期.......

学校门口總是佈滿了大大小小不同种類的熟食檔,

而每天放学最開心咪就係掃街囉！

各式其式都有.......

豬皮魚蛋、黑白芝麻糊、雪糕車、雞脚鴨腎......

生菜魚肉、碗仔翅、臭豆腐、煎釀三宝、白粥腸粉....等等等等,

真係諗起都開心呀....這些童年記憶又試問怎可以忘記呢！

其中一樣不可不提的就是大菜糕,

特別係夏天的時候....食咗幾多小食都好喇,

最後都會跑到学校對面的士多去,

點都要食返杯冰凍大菜糕先至肯返屋企架！

來到美国.....沒有這枝歌仔唱喇！

就算到糖水鋪都好難會見到大菜糕的踪影,

喺香港的日子真的沒想過自己去整大菜糕,

因為隨處可見....方便得很,

由兒時一亳子一杯食到上年返香港食的五蚊一杯,

仍然是那麼的吸引.....那麼的好味呢！

天氣熱成咁.........突然想起這個大菜糕,

想食就要動手架喇........無計！

結果.........

用矽膠模真係好方便....可以做出不同形狀,

這個太陽花大菜糕喺咪成個蛋糕咁靚呢！

下次有人生日送大菜糕蛋糕都好噃.....

玫瑰花 look 又如何呢？

小小一個大菜糕卻給了我一大堆回憶,

一大堆美好的回憶.......

你又有咩食物可会勾起你的絲絲記憶呢？

開工喇.....

數數手指都有成幾個月冇開工焗呢樣焗嗰樣喇！

鬼咩........忙成咁.....又扭襯.....

襯而家好番啲....一於開工至得,

希望水準沒有退步喇！

比較有把握嘅就梗係燕麥提子曲奇同朱古力曲奇喇！

呢兩個可算是信心之作嚟架！

宝貝們的至愛.....

今次用迷你朱古力粒....更覺可愛！

呢個大人見倒真係愛不釋手呢.....

無它.......夠健康嘛！

加上我的出品肯定少糖....食都食得安心啲喇！

每次動工都總會弄多一點,

因為能與人分享的感覺好好......

由其包得靚靚咁....收到一定好開心啫！

這兩盒是送給朋友的,

以下的就是大少帶返公司與同事們分享的,

 

嘻嘻！包得靚啲....係咪當堂名貴晒呢！