升呢.......

三月二十五日   星期四

香港時间....大件事呀！

升呢........

姪女誕下八磅重的曉祈,

而我....就係咁榮升咗做 " 姑婆 " 喇！

大少榮升咗做"丈公",

大小姐榮升咗做"Aunt",

少爺仔榮升咗做"uncle" 呀！

我即係抱孫喇.....你話高興唔高興呢？

真係好想即刻飛番去抱抱 BB 呢！



嗰种喜悅及興奮的心情.....實在難以形容呀！

祝願曉祈健康快樂, 快高長大, 活潑可愛！



全家都升呢.........

我咁就做咗"姑婆"喇！

黑芝麻椰汁饅頭 ( 附食譜 )

放假個人特別輕鬆......好多想整好耐嘅嘢都被想了出來,

饅頭~~就是其中之一，

因為耆愛黑芝麻.....真喺整咩都想加啲啲落去架！

就係咁........呢個黑芝麻椰汁饅頭就係咁誕生喇！

發夢都冇諗過第一次整就成功架,

真係開心到飛起呢！

呢個食法一睇就知係........少爺仔架喇！

大小姐就話咁食仲正喎........哈哈哈！

材料
1.)  中筋粉     600克
2.)  糖             50克 (我覺得唔夠甜, 喜歡甜的可加多30 克)
3.)  酵母粉     6克
4.)  泡打粉     5克
5.)  椰奶         200ml
6.)  鮮奶         30ml
7.)  黑芝麻粉 50克

做法
1.)  將 1.) 2.) 4.)7.) 順序放入盆內, 然後加入 3.) 拌勻。
2.)  將 5.) 及 6.) 慢慢加入粉中拌勻。
3.)  將粉糰揉約兩分鈡至均勻成團至沒有粒狀。
4.)  用濕毛巾將麵糰蓋好發酵約二十分鐘。
5.)  之後的發酵好之麵糰再揉至表面光滑。
6.)  將麵糰對切成兩大塊。
7.)  然後搓成兩絛長絛形。
8.)  用刀切成約一吋一段, 然後再蓋好靜止約二十五分鐘。
9.)  滚水滾起計煮八分鈡即成。

任務

隨咗一日三餐之外.....得閒整吓 snack 亦係我嘅任務之一,

好钟意整啲唔同口味嘅 snack , 配答得好唔好都好緊要架！
因為唔鈡意嘅話, 佢哋会毫不留情咁........唔食！

喺 Costco 買咗包 rice cracker...
一路喺度諗點整先可以吸引倒兩嗰寶貝呢？

今次用三文魚配魚子.....

先用日本沙律醬、糊椒粉、少許煉奶及檸檬汁將三文魚壓碎拌勻,

加上魚子夾在 rice cracker 中间.....好似三文治咁,
賣相都頗為吸引架.....

rice cracker 香脆.....再加上魚子爽口....三文魚的鮮甜....
嗰种吸引力真係擋都擋不住呀！

不消片刻.......全部清晒呀！

仲食得鬼咁開心添呀.....

任務成功！

掃墓

清明將至...又是掃墓的時候了,

怕下星期人多....所以襯今日天氣咁好就去拜呀嫲嫲先！

出發前梗係去醫肚先喇.....

今日去咗呢间茶餐廳度食 lunch,

1365 Noriega Street,
San Francisco, CA 94122

整番杯奶茶先.........

超正羅宋湯

新鮮軟熟正餐飽

星期六 set lunch~~盬焗雞肶飯 or 意粉

超正焗海鮮飯

XO 醬雞球炒意粉.......勁正呀！

磨菇汁焗豬扒飯......呢個嘛嘛！

雜果啫喱

食完仲要買啲酥皮 pie 先肯走呀~~
mushroom pork pie~~ 味道OK 喇
chicken pie~~ 呢嗰唔夠味
curry beef pie~~  酥皮太厚...唔掂

今次真係有啲失望....水準盡失呀！

唔係好掂呀.......

食飽飽就出發去掃墓,

嘩！好多人呀...泊車都泊唔倒咁滯,

可能個個都諗住早個星期嚟喇,

見倒好多人一家大細當去旅行咁....喺度開埋餐添呀！

其實掃墓亦漸漸成為了每年家人聚在一起的節目之一呢！

椰汁咖喱雞

心情好就自然有心機去攪攪陣架喇！

唔駛趕乜趕物.....咁就整乜鬼都冇所謂喇！

好耐冇食咖喱喇....嘻嘻.....冇錯...就係你喇.....

椰汁咖喱雞

配料十足架！

雞醃大約半小時後輕輕煎吓佢先....

配料亦輕輕煎吓後再加入雞度拌勻,

加入兩杯水..椰汁...咖喱樽...蓋好煮大約十五分钟,

雞又滑...配料又淋....個汁又啱啱好！

啲汁又香又濃....配飯簡直一流呀！

大件事呀.......個個都要添飯呀！