Rice Bowl ~~ Teriyaki Chicken

踏入六月份.....
個人精神晒，
小朋友番到呢個星期四就放暑假喇！.....Yes！
雖然仲未正式放假，
但巳經懶蟲上身....

雪櫃有枝 Teriyaki sauce 未用完,
喺日本餐廳成日都食 Teriyaki chicken....
咁就不如自己試吓整喇！

原來咁鬼易，
自己整仲可以選用雞胸全白肉，
真係健康好多....
少爺仔都話要添飯呀！
可惜吖.....一人只得一碗，
絕無例外呢！

那种滋味的感覺...

記憶中第一次食火雞肶係.....
那年全家去佛羅理達州的廸士尼世界渡假,
適逢雨季...在避雨期间饑寒交廹,
突然大少買來一大隻火雞肶....
好有雪中送炭的感覺,
當時也覺這隻巨型的火雞肶也特別好味....
至今仍另我念念不忘呢！

直到噚日.........
見倒超市做特價....
嘩！一買四隻...哈哈！一於今晚唔煮飯,
焗火雞腿餐,
未試過整架！
亂打亂撞....乜都落啲去醃,
哈....都得架！
一人一大隻,
係咪好豪呢？
那种滋味的感覺....
又給我拾回來了。

嘩嘩嘩!!!

未結婚之前最鈡意買嘅係手袋同鞋,
結咗婚之後最鈡意買嘅就变咗係厨具,
所謂功欲善其事就必先利其器,
好的材料亦要有好的厨具才能煮出原汁原味的好菜色來,

佢.....实在太吸引喇!
佢.....啲顏色实在太靚喇!
佢.....实在係重量級呀!
佢.....係全人手製造!

最重要的還是在健康的大前提下......
才把這個 9 1/2Q 的完美 Le Creuset 帶入家门呢!
色彩繽紛....真的難以抉擇,
結果........一致讚成藍色。

結果....我就梗係嗱嗱聲試吓佢啦,
重量級即係重量級,
少啲力都攞唔起呀.....

話咁快呢煲牛展牛根就攪掂...
好淋..真係原汁原味,
我巳經諗緊下餐整乜喇.....

Rice Bowl ~~ 煎封三文魚配日式牛仔粒炒沙葛

愛上 Rice Bowl 上的方式,
方便快捷又簡單,
仲可以控制每個人的食量,
對健康同减肥都有莫大的幫助。

係咪好主意呢?
雖然每人只得一碗....
但加理呢個足料嘅蘋果雪梨粟米紅蔔白.......湯,
啲料多到寫唔晒.....煲足三個鈡架！
咁滋潤就乜都夠晒喇，
超滿足的一餐呢！

端午節快樂！

唔識包糭...今年亦都冇買糭嚟應節，
朋友有見及始....
特意送來四隻花生綠豆糭給我們一家享用,
今日係端午節...
所以就攞出嚟應吓節,
食咗佢喇.......

話時話吖......
又幾足料喎！
仲好好味添....

Grace~~多謝晒！

祝大家端午節快樂！

又一新嘗試 ~~ 清蒸金华火腿龍利柳卷

又一新嘗試....
見啲龍利咁新鮮又咁薄，
点整先至唔好晒咗佢呢？
思前想後.....
就....清蒸金华火腿龍利柳卷啦，
嘩！好甜好野味呀！

好耐冇整滑蛋牛喇,
方便又簡單,
次次受歡迎。

睇吓幾肥美.....

今餐呢個清蒸金华火腿龍利柳卷非常咁受歡迎呀！
新嘗試又一次成功喇.....yes！

我的乖乖

得閑喺屋企就梗係左攪右攪喇....
話咗整芒果布甸好耐好耐,
食都食咗三箱芒果.....
今日終於"dig"起心肝呀!

少爺仔自己話.....我唔食得.....我唔食得.....
因為我咳咳.....right, mommy..
佢真係好乖呀！
等佢好番我一定再整比佢食過呢!

大少新煮意

呢幾日都唔敢去人多嘅地方，
因為少爺仔唔舒服....
大家都盡量留喺屋企休息，
大少見我冇乜心機，
所以晚餐就由他發版...

真係新嘗試呀！
咁樣嘅配搭炒上海粗麵問你試過未？？
火腿絲、椰菜絲、仲加埋蝦......

雖然配搭比較特別.......
但出嚟效果又唔差噃，
大少真係好嘢.....
咁都比你諗得倒！

Rice Bowl ~~ 窩蛋牛肉飯

少爺仔唔舒服........咳得好利害，
本來 long weekend 去 Lake Tahoe 渡假都取消喇！
所以乜都冇心機煮，
速碟头都廢事.............
整Rice bowl 算喇，

燉川貝比少爺仔又怕苦.....死都唔肯飲，
好彩肯飲噩魚肉，
但飲咗兩日都好似冇乜效咁，
無法啦....星期二一定要同佢去睇醫生致得呀！

流感真的不容忽視.....

大家都要 【保重身体】

攪攪新意思

睇唔睇倒橙色一粒粒嗰啲係乜東東呢？
就係成家都鈡意食嘅三文魚呀！
平時唔係蒸就煎....
前排新嘗試加粟米...果然好味。
但食食吓又覺得悶，
所以今次又攪攪新意思喇！
就係大膽將三文魚切粒粒......

首先用鹽及胡椒粉醃一醃，
跟住上粉落鑊煎香，用索油紙索去多餘油份備用。

起鑊將巳切粒的青、橙椒、洋葱、西芹及蕃茄炒熟，
然後加入韓燒汁兜勻，

再拌入三文魚粒後兜勻上碟，
三文魚粒粒被醬汁包住....味道啱啱好！
咁就 OK 架喇......係咪好簡單呢？
出奇的好味....
今次新嘗試又成功喇.....yes！

與此同時....
焗爐亦同時運作焗叉燒.....
嘩嘩嘩......話咁快就攪掂喇！
今次焗得好香....我鈡意呀！

加埋呢個足料菜乾湯嚟潤一潤，
真係乜嘢火都下晒喇！

所以話心情靚啲........
头腦都清醒啲......
出錯機会又少啲......
結果........讚美聲又多啲囉！