肚飽眼唔飽

尋曰行咗成日都係 shopping，
到夜晚時巳經攰到阿媽都唔認得，
又諗唔倒食咩好，
少爺仔話要食燒乳鴿喎........
又啱啱行完大华99，
咁咪近近哋去咗 "地茂館" 度食晚飯囉，
水準依然.......
不過唔知係咪個市唔好呢！
竟然唔駛等位喎

酸辣湯依然咁辣咁酸..........
貴花蚌就簡直冇得頂呀.......好鮮甜。

荷香福建豆腐.......好香荷葉味

兩隻紅燒乳鴿.......少爺仔至愛

蒜蓉大豆苗

鶯鴦炒飯

可能樣樣都想食咁咪猛叫囉！
結果都係食唔晒要打包，
連糖水紅荳沙都食唔落，
我而家知道咩叫肚飽眼唔飽喇！
超滿足的一個晚上呀！