扭蛋都可以好激架

話說星期日去佐 Mega Box 睇戲，咁中間空隙時間咪去扭下蛋啦！個塲做緊扭蛋機展銷，大大話話有過百多部机咁你扭。点知咁就出事啦......原來扭蛋都可以好激架！
睇下我地一部份既戰利品..........有好多重覆佐既就冇影相啦！每過由五蚊至十蚊不等，若要扭齋一套就要靠你運氣啦！有 D 機非常抵死，用百達通咭一拍過數就成交，咁就大鑊啦...........連少爺仔都可自己係度係咁拍、拍、拍，冇啦！冇啦！破產啦！

呢 D 係 一對既！多謝十蚊雞扭一次

呢 D hand carry 好得意，裡面有隻貓仔架！大小姐死都要扭到一套先霸休呢！
十蚊雞一個

呢個我就最意，上面係用黎挾相架！十蚊雞一隻

上面米奇同米妮個 D 係 key cover 黎架！非常实用，五蚊有交易

番到屋企点算結果係....................................用佐HK$275係扭蛋度呀！
利害！