Hawaiian Day 2011

剛過的星期五又係少爺仔學校的 Hawaiian Day,

加上又係 lunch picnic day....真係忙足一個上晝呀！

但少爺仔唔係幾舒服...所以我都冇乜心機同佢打扮,

朶頭花係大小姐架.....

貪玩少爺仔又攞嚟帶.....冇收！

仲跳埋舞添呀......唉！

少爺仔唔舒服仲介緊口....所以我都冇整咩特別嘢食,

今次 Lunch picnic 啲 parent 冇上次咁多人嚟哦,

仲有六日呢個學年又完結喇,

明天就是少爺仔的頒獎典禮,

十分期待呢！

飯素

日本嘅 Rice Seasoning 真係超好用,

由其正當懶蟲上身嘅時候！

再加上兩個大帝超愛呢种食法,

配合我懶的原素......

哈哈哈.....咁又攪掂一餐喇！

煮好日本米後加入飯醋...灑上飯素拌勻，

配以日本燒汁牛加醉蛋.....

魚子當然唔少得.....係咪名貴晒呢？

好味方便又美觀.....

可謂快靚正呀！讚！

嘆茶....

Weekend 多數都係懶懶閑....

仲要係連續三日長假期添！

但最近天氣反覆無常,

落雨就更加無心機煮添喇，

加上少爺仲發咗五日燒添.....佢真係冇乜食過咩到肚咋,

今日叫做好返晒....有番啲胃口,

有人提意話.....不如去嘆茶喇！

咁嘅造型嘅馬拉糕問你試過未？

呢個唔講得笑呀....蒸流沙包是也。

嘆完茶又要四出同大小姐 and 少爺仔血拚置新裝,

因為下星期的大大小小頒獎典禮又嚟喇！

大小姐更是整裝待發....一個月前巳經諗掂点樣扮靚靚,

剩得對鞋未攪掂咋....

因為係大小姐嘅初中畢業典禮哦....

晚上仲有 dance party 添呀！

所以巳經準備咗兩套靚衫喇！

望住巳經長得比我高的大小姐,

心想....時間可否走慢一點？

真有点捨不得她長大的感覺呢！

Banana Coconut Chiffon with Poppy Seed(附食譜)

終於整咗喇.....

賣相一般....但味道唔錯,

焗三十分鐘可能耐咗啲呢？

不過边边香香哋反而我鐘意哦！

蛋糕比較濕潤.....唔知應該係咪咁嘅呢？

好似發得唔夠高呢.....但好軟熟哦！

用椰絲嚟焗雪芳我係第一次,

手多加埋poppy seed 在其中，

仲有梅花点香蕉陣陣的香氣,

未出爐已經唾涎三呎.....

Kestrel, 我改晒你個譜譜呀！

材料：

低筋麵粉         160 克
蛋白                 8 個
香蕉              160 克
檸檬汁              2 湯匙
蛋黃                 6個
糖                120 克
橄欖油           40 毫升
椰絲              20 克

- 麵粉先過篩 3 次；將 80 克糖分次加入蛋白內打成蛋白霜，之後放入雪櫃保存。

- 香蕉用叉壓爛成香蕉蓉，之後加檸檬汁拌勻 (防止香蕉變黑)。

- 將香蕉蓉加入蛋黃度，再加入油同40克 糖, 用手拌勻。

- 篩入麵粉，加入椰絲，繼續用手拌成麵糊。

- 先將 1/3 份蛋白霜加入麵糊內徹底混合，再將其餘蛋白霜拌入。

- 將麵糊倒入模內，喺枱面輕敲幾下以釋出較大氣泡。

- 之後放入已預熱至 360 F 嘅焗爐內焗約 30 分鐘(下次會試改 20 -- 25 分鐘)。

- 出爐後立即倒扣放涼，待完全攤凍後即可脫模。

哨牙豬

因乜解救少爺仔會變咗哨牙豬嘅？

呵呵呵.............

咪就係兩個大帝嘅所為新玩意囉！

擦地炮是也.....

但對我和大少來說,

呢個又係我哋童年回憶的經典之一哦！

睇吓少爺仔玩得幾開心.....

又驚 C........又要玩！

記憶中兒時最愛在新年期间玩呢個擦地炮,

皆因唔準燒炮仗.....

霹靂霹靂聲攪到好有新年氣紛咁！

正當差點兒忘懷這玩意的時候..

比我哋喺 Chinatown 度見倒,

有得玩少爺仔又點會放過至得架！

 

食力驚人

又嚟懶人餐.....

不過呢個係兩個大帝落 order 的懶人餐哦！

冇錯....就係佢哋至愛嘅 sushi rolls 喇.....

仲 easy 過咸肉菜飯呀！

即包即食.....買相就嘛嘛喇！

餡料有肉鬆、吞那魚、魚子、三文魚.......樣樣有啲咁囉,

即叫即整.....包到我頭都暈晒！

千祈咪睇少佢哋嘅食力呀......

大大話話一口氣包咗成六、七條都冇停過手,

佢哋竟然可以即時食清光,

想懶變咗仲忙添.......

都咪話佢哋食力唔驚人呀！