情人節將近..............又有得忙啦！点解？？？皆因少爺仔学校要開 party 呢！
年年呢個時候都要諗吓整咩嘢好，次次唔係糖就係 cookies，今年想攪攪新
意思！！！就係試吓蒸蛋糕啦，今次用咗細嘅 silicon 模嚟做，開头都有啲
擔心驚甩模時会唔靚............好彩無驚無險唧！蛋糕面加上情人節顏色的心
型糖粒做裝飾，係咪當堂唔同晒呢？
未扮靚之前係咁..........
扮靚靚之後就係咁...............
大家試食之後都覺得唔錯.................為獨是点樣包裝帶番学校呢？？？好彩仲有
幾日時間諗諗佢唧！好有可能都係整番 cookies.........容易個別包裝嘛！聽日仲要
同少爺仔設計啲 cards 比小朋友呢！總之就係忙、忙、忙啦！
預祝大家情人節快樂！
乜呢度d學校連情人節都要開party?!!!
回覆刪除點算好一我乜都唔識整, 第時Jasmine返學一定唔受歡迎啦
[版主回覆02/08/2009 16:01:00]放心啦！你仲有三年嘆吓先！！！應該係話唔止情人節呢！通常開学冇耐就係萬聖節，跟住聖誕節，再嚟新年，情人節，復活節........差不多所有節都有啲嘢攪吓，你唔多唔少都耍奉獻啲架啦(無論係時間又或者係金錢)。不過有啲家長就真係乜都唔整....又唔幫架！ 咁你又唔駛咁驚！唔識整啫..........可以買吖嘛！我由大小姐讀書開始整到而家..........变咗熟手女工啦！嘻嘻！不過話時話吖，可以同其他小朋友一齊分享真係好開心呢！
妳真係勁有心思....又蛋糕又咭仔！妳對仔女一定以妳傲！！妳可以用蛋糕盒裝著帶回學校嗎??
回覆刪除[版主回覆02/08/2009 16:09:00]成二十個又唔可以疊实佢(啲糖粒会溶)，真係要諗諗佢呢！
好靚呀,自Ｄ女上咗中學就唔駛搞咁多嘢哪、以前年情人節,復活節, father's day, mother's day學校都要慶祝.總之冇日得閒.而且情人節,school's carnival 同中国新年都在二月真系忙到頭都暈埋！
回覆刪除[版主回覆02/09/2009 08:01:00]你都有同感呢！不過你而家甩難啦！我仲有排玩呢！
咁得o既，學校都會慶祝情人節？
回覆刪除[版主回覆02/09/2009 08:04:00]係呀！自從讀 preschool 開始巳經有啲咁嘅嘢架啦！總之就有排忙啦！一陣仲要開始同少爺仔整 cards 添呀！
小朋友都慶祝情人節? 而家d小朋友真係早熟囉...hehe...有媽咪整靚靚cake, 實開心晒啦~~ 今日係元宵, 放工就同阿寶去行街街, 因為佢星期六可能要返工呀...
回覆刪除[版主回覆02/09/2009 13:32:00]小朋友学校玩吓啫.............不過啲父母就忙餐死呀！
V-day party? That's so nice! Your steamed cakes are so pretty, I'm sure the kids will love them!
回覆刪除[版主回覆02/09/2009 13:45:00]係呀！啲細路嘅 V-day party 呀！個個都好 cute 架！我都希望佢哋会鈡意啦！不過仲未落实帶边樣好呢！
So pretty, they will definitely love them! My cousin already had her V day party for the ice skating team today ... one more week to go!
回覆刪除[版主回覆02/09/2009 15:20:00]点呀！你幾時番星加坡呀？？？
小朋友都有V party，大老爺話結咗婚無情人節呀!
回覆刪除[版主回覆02/10/2009 00:30:00]吓？？？点你就要教育吓佢啦！
嘩! 真係甜甜蜜蜜, 好sweet!
回覆刪除[版主回覆02/10/2009 00:31:00]多謝呀！
好有心機呀!!!!!不如又放在上次的中國Take out box丫!!上次既idea唔錯喎~~
回覆刪除[版主回覆02/10/2009 12:59:00]That's a good idea..........
情人節快樂呀!!
回覆刪除[版主回覆02/10/2009 13:00:00]我都祝你同山蕃人甜甜蜜蜜呢！
嘩﹗﹗﹗看相片都知道好甜好甜啦﹗﹗﹗
回覆刪除我都想整呀﹗﹗﹗
[版主回覆02/10/2009 13:02:00]你現階段要多多休息就真..........等小牛讀書後有排你整呀！