又"蒸糕" Bell 啦！(附食譜)

嘩！又開爐啦.........
今日全日喺度"蒸糕" Bell 囉！
芋头糕比蘿蔔糕易整，
但控制芋头時間要好準，
否則会太淋或太乾，
而我呢次叫做不過不失啦！
如果芋头切大粒小小就 perfect 啦！

我 double 咗份量加上用薄底盆，
所以合供蒸咗六底，
急不及待煎嚟食..........
嘩！真係不得不贊阿蘇家姐好嘢！
味道簡直係一流呀！
啱啱好！加埋 XO 醬...........
乎復何求呢！

P.S. 煎芋头糕時灑少少水上面就会特別面脆肉滑啦！

食譜：阿蘇家姐提供
芋頭糕

材料:
芋頭2斤(要泰國嗰隻)           (我用嗰啲唔知边度出產)
水4杯
臘腸1斤(切粒)
瑤柱8粒(蒸左用手撕開,留番瑤柱水1杯)
蝦米半碗 (切碎)
粘米粉2杯
英粟粉1 1/4杯
澄麵 1/4杯
水2杯

做法:
1. 芋頭加五香粉炒香,
2. 臘腸,瑤柱,蝦米亦是用五香粉爆香,
3. 芋頭加入5杯水及1杯水瑤柱水煮淋,
4. 1/8杯芋頭出來壓成蓉,之後放回鑊內,然後用生抽,鹽和胡椒粉調味
5. 粘米粉,英粟粉,澄麵用2杯水開漿,然後倒在鑊內拌勻
6. 最後分兩盆8寸高盆蒸45分鐘便可.

大年初三..........赤口，椰絲花生醬曲奇(附食譜)

今日係赤口.........最好就係留喺屋企整吓嘢食啦！
因為星期六會同家姐哋啦、表哥哋啦團拜，
你知啦！喺美国唔係個個都住得咁近，
所以我哋每年新年都会聚埋一齊團拜，
咁咪一次過見晒所有親人囉，
好開心...........好温馨架！

我通常都会自家製啲過年食品去團拜，
巳經係第四年咁做架啦！
記得上年我整咗家鄉嘅蒸蛋糕、
生炒糯米飯、糯米糍 & 义燒，
係咪好特別好型呢？？？
每次聽到佢哋誥呢样好味.......
嗰样又正的讚美聲，
那种感覺好滿足.........
更給我衝勁去嘗試............
為他們做更多更多的美食呢！

今年我準備整蘿蔔糕、芋头糕、椰汁年糕、曲奇(未知整边款)、
家鄉蒸蛋糕就唔少得.......個個都超鈡意食架！
仲有就係大少嘅燒排骨。
聽日就開始蒸糕啦.........
今日就試整咗呢個椰絲花生醬曲奇，
唔係好甜.........大家姐一定鈡意啫！

一整好大小姐就第一時间搶住要試味啦！
少爺仔就更興奮啦..........
因為我同佢一齊整架！
祈待星期六的來臨！

希望佢哋鈡意我今次為他們所做的食物啦！

食譜源自【My Very First Cake】陳志雄著

(我喺 b女個網頁睇倒嘅)

食譜：

牛油 50g

黃糖 50g

蛋 30g

麵粉 100g

梳打粉 1/4tsp

花生醬 50g

椰絲 25g

 

做法：

1) 牛油、糖和花生醬打軟

2) 蛋分次加入

3) 加入過篩麵粉拌勻後加椰絲

4) 將麵糰雪1小時，搌簿用模切成吾同形狀

5) 170度焗15-18分鐘

大年初二.........開年啦！

大年初二開年啦..........
菜單如下:
1)  魚肚烏雞湯(忘記拍照)
2)  發財好事 (發菜、蠔是、竹笙、鮑魚、冬菇、馬蹄、瑤柱、海參)
3)  清蒸海上鮮 (游水黑斑)
4)  豉油雞
5)  豬手
6)  蒜蓉白菜膽
7)  茄汁蝦
8)  乾煎豉油皇大蝦

叫做樣樣都有啲啦！
你估我們這一家食唔食得晒呢？？？
答案就係................
只剩下發財好事、豉油雞、同豬手，
咁聽日又可以將豬手撈埋發財好事一齊煮，
咁咪又可以变多一味橫財就手啦！
哈哈哈！

今日又整咗底椰汁年糕...........
嘩！原來真係好滑好煙靭呀，
加啲蛋漿煎香佢.........正呀！
阿蘇你係得嘅！

恭喜發財！

年初一啦..................
祝大家牛年行好運，龍馬精神，萬事如意，得心應手。
喺美國過年真係冇乜特別，又冇假放，
惟有自己喺屋企攪吓啲過年氣氛啦！
全盒就一定要有啦..............
隨咗自己焗啲花生呀、腰果呀、杏仁呀............
其餘啲糖果全部都係從香港新鮮運到，
小朋友一見倒就真係不得了呢！

年廾九帶咗兩個細路去唐人埠感受一吓過年的氣氛，
與及順便辨吓年貨啦，
適逢擺街會............仲有舞師添呀，
人頭湧湧，一個字講晒就係...............迫。

今日大年初一正日，学校又冇假放，
咁咪整咗啲同過中國新年有關嘅食品，
比少爺仔帶比同班同学仔 share 囉！
Fortune cookies 就最為方便啦，
只要喺個盒度花小小心思唧！
係咪都見得吓人呢？

少爺仔放学嗰陣好開心咁話..............
啲同学仔個個都 Thank you 我呀媽咪，
好彩唧........

又整燒肉啦！(巳附食譜)

我覺得大少整燒肉嘅方法比較麻煩，

我個人好心急..............

所以今次試吓用唔同嘅方法去整...........

好耐之前唔記得喺边度睇過呢個做法，

憑記憶咁整出嚟.....

原來都得架，仲比較簡單添..............

1.)  首先將五花腩用滚水滚大約十分鈡左右，然後立刻冲凍水。

2.)  抹乾水後用义在皮上插勻整塊皮，
      ~~ 然後先塗上紹興酒少許在皮上，
      ~~再將以下醃料塗在肉身上，
      ~~如糖、五香粉各少許，幼鹽大約兩茶匙，
      ~~雞粉、沙薑粉各1/4 茶匙。

3)  然後將五花腩吊起或放在架上吹乾，我放過一晚夜先整。

4)  用錫紙包住整個肉身，但錫紙要高出大約一吋左右用嚟放粗鹽。

5)  粗鹽壓实放滿在皮上。

6)  放入华氏450度(攝氏大約230度)預熱焗爐內焗五十分鈡。

7)  然後將所有粗鹽取走，記住要保留錫紙，然後用华氏410度(攝氏大約210度)
     烤大約二十五分鈡，直至見到表皮爆脆。

8)  取出稍涼後斬件即成。

P.S 我钟意用冇骨五花腩，比較易斬而唔会斬到甩皮甩骨。

好啦！預祝大家成功。

白色嘅係粗鹽，

啲皮今次爆得好靚呀！

好脆呀，又夠味........十分滿意呢！

一碟就夠啦！

無錯，係咖喱豬皮魚蛋...........

一碟餸就夠啦！

裝飯吖唔該。

簡單糯米飯

呢排忙住執屋過年，

晚餐都想可以做点簡單的菜式。

今日焗咗花生...........

一有花生我就会諗起糯米飯架啦！

今次唔生炒啦..........实在太忙了。

用电飯煲都一樣掂呢！

加埋臘腸、瑤柱絲、蛋絲、花生........

再炒碟白菜仔、加埋蛋花粟米湯........滋味無窮呢！

用电飯煲煮嘅糯米飯都唔差喎！

好彩大家都冇話我偷懶呢！