今日係赤口.........最好就係留喺屋企整吓嘢食啦！
因為星期六會同家姐哋啦、表哥哋啦團拜，
你知啦！喺美国唔係個個都住得咁近，
所以我哋每年新年都会聚埋一齊團拜，
咁咪一次過見晒所有親人囉，
好開心...........好温馨架！
我通常都会自家製啲過年食品去團拜，
巳經係第四年咁做架啦！
記得上年我整咗家鄉嘅蒸蛋糕、
生炒糯米飯、糯米糍 & 义燒，
係咪好特別好型呢？？？
每次聽到佢哋誥呢样好味.......
嗰样又正的讚美聲，
那种感覺好滿足.........
更給我衝勁去嘗試............
為他們做更多更多的美食呢！
今年我準備整蘿蔔糕、芋头糕、椰汁年糕、曲奇(未知整边款)、
家鄉蒸蛋糕就唔少得.......個個都超鈡意食架！
仲有就係大少嘅燒排骨。
聽日就開始蒸糕啦.........
今日就試整咗呢個椰絲花生醬曲奇，
唔係好甜.........大家姐一定鈡意啫！
一整好大小姐就第一時间搶住要試味啦！
少爺仔就更興奮啦..........
因為我同佢一齊整架！
祈待星期六的來臨！
希望佢哋鈡意我今次為他們所做的食物啦！
食譜源自【My Very First Cake】陳志雄著
(我喺 b女個網頁睇倒嘅)
食譜：
牛油 50g
黃糖 50g
蛋 30g
麵粉 100g
梳打粉 1/4tsp
花生醬 50g
椰絲 25g
做法：
1) 牛油、糖和花生醬打軟
2) 蛋分次加入
3) 加入過篩麵粉拌勻後加椰絲
4) 將麵糰雪1小時，搌簿用模切成吾同形狀
5) 170度焗15-18分鐘
妳整好多美食呀！家鄉蒸蛋糕即是點架?
回覆刪除[版主回覆01/29/2009 15:13:00]我整咗 post 上嚟比你睇啦！家鄉蒸蛋糕其实係我鄉吓傳統以來所做的蛋糕，不過係蒸嘅，非常簡單易做，仲好好味添..........我由細食到大架！
而家花生醬有問題喎...不過煮過應該都ok o既...你真係叻呀, 可以整咁多食品去拜年...
回覆刪除[版主回覆01/30/2009 09:41:00]花生醬有問題？？？边隻牌子呀？？？美国出品應該 OK 啩！ 自己整有心思啲吖嘛！
一粒鐘真人Show個椰汁年糕好正呀.我唔食年糕架,我怕佢甜同油淋淋，不過呢個真系好正,煙煙ＵＮＵＮ，又唔油浰、Ｓｏ ｇｏｏｄ！
回覆刪除[版主回覆01/30/2009 09:42:00]蘇 far So good！
又有新產品啦~~~你家過年都好多野食呢!!!!!
回覆刪除[版主回覆01/30/2009 09:42:00]應吓節啦！
你唔講我都唔記得尋日係赤口啊~~ 曲奇面加咗糖粒喎~ !!
回覆刪除[版主回覆01/30/2009 09:43:00]係呀！揾倒啦！
早晨早晨~你個曲奇我有興趣喎，有冇食譜呢? 人係異鄉.....特別想同屋企係一齊，你啲家人有福啦，你整咁多好嘢食! 我地啲鍾意整嘢食嘅人，唔係自己想食，係想聽到別人的讚美聲!
回覆刪除[版主回覆01/30/2009 14:36:00]加番食譜啦！ 係啦！總之大家食得開心.........我就開心架啦！