既然整咗蘿蔔糕............
最好就係配白粥啦！
食白粥又点可以冇腸粉呢？
結果呢個鐵三角組合就成為了我們星期天的早餐啦！
麻醬係自己開架，用滚油熄火後加花生醬就得架啦，係大少教嘅，好味！
尋晚一次過剪咗三個头，過年嘛，O 唔 OK 呢？？？
今日係假期，帶咗兩個去学畫畫，仲帶咗一底蘿蔔糕同椰汁年糕比老師
添，攪到佢鬼咁開心。
少爺仔今日的傑作！
畫室其他同学的作品，喜歡這裏的主要原因是每個学生都是個別教授，
老師学生一對一，咁就唔怕分心同学唔倒嘢啊！
大小姐同少爺仔都好鈡意学畫畫，
大小姐畫咗兩年，
少爺仔就第二次，
希望佢哋可以 Keep 住啦！
咁我車嚟車去都值得啦！
我而又識整麻醬啦，原來咁易! 你剪髮剪得好pro喎，你係咪學過架?
回覆刪除[版主回覆01/20/2009 22:35:00]臨移民前学過一課程，就係驚呢边啲髮型師唔掂，結果估中晒，大少話我剪得好過出街剪呢！
Wow, 3 beautiful heads for the New Year... definitely save lots of money and time!!! Bravo!
回覆刪除[版主回覆01/21/2009 00:36:00]oh yeah！
真係剪得好pro呀 , 我又多樣野偷師!!!
回覆刪除[版主回覆01/21/2009 00:38:00]屋企有人比我 練習 嘛！
我都好鐘意畫畫架！以前曾教過吓小朋友....
回覆刪除[版主回覆01/21/2009 00:42:00]你好勁呀！唔怪得影相啲角度咁正啦！
等我今個星期日都o黎整下你份早餐先 少爺仔畫得幾靚 woo.... 佢幾歲呀？
回覆刪除[版主回覆01/21/2009 00:43:00]多謝！少爺仔五歲。
嘩 妳好叻呀 唔只識整咁多嘢食 連麻醬都自己整埋
回覆刪除我買咗蘿蔔啦 明天整呀
我D頭髮都係DIY呀 但三個仔大咗 無同佢地剪好耐啦
[版主回覆01/21/2009 00:48:00]大少話以前喺香港幫襯大排檔時，比佢無意中見到大排檔老板咁整麻醬，所以偷師囉！
你囡囡啲頭髮都系你剪架？我淨系剪mrleung一個咋,我唔敢掂我啲女嘅頭髮,但佢地又互相剪大家Ｄ頭髮喎！
回覆刪除[版主回覆01/21/2009 09:35:00]大少、大小姐、少爺仔、包括我自己都係我剪架！
如果加埋炒麵就更加好啦!!!!!!!!!
回覆刪除[版主回覆01/21/2009 12:51:00]係喎！
你真系好犀利呀﹗﹗樣樣都識﹗﹗連剪頭髮你都識﹗﹗﹗﹗
回覆刪除這個早餐甜太看了很想吃﹗﹗﹗這個星期，甜太都沒有胃口啊﹗﹗﹗
好幾天沒有過來探訪你，留言先﹗﹗﹗
[版主回覆01/21/2009 12:55:00]記住飲多啲鮮奶呀！我好好彩，佗兩個小朋友都食得瞓得，一次都冇嘔過呢！
xo 醬好味喎.................用黎沾蘿蔔糕好正呀!
回覆刪除[版主回覆01/21/2009 13:57:00]Thanks！
我都鍾意粥+腸粉...呢個配答係一絕...我尋日都煮咗蘿蔔糕喇, 果然加多D蘿蔔係甜D喎...
回覆刪除我都鍾意畫畫, 希望遲D可以正式去學下...
[版主回覆01/22/2009 14:52:00]煮咗蘿蔔糕喇，等我去你度睇吓先！