我的第一底 ~~ 蘿蔔糕 (附加食譜)

 
                            

蘿蔔糕就食得多，但自己整都係第一次，上網睇嚟睇去最終都係簡咗阿蘇家姐嘅食譜，吖........又幾易做喎，不過我就冇加冬菇，因為大小姐同少爺仔係唔食菇類嘅；点解？？？真係百思不得其解啦！不過淨係蘿蔔、臘腸同瑤柱都一样咁好味呢！

味道唔錯..................加埋煎香佢，
仲有甜醬啦、辣醬啦、芝蔴啦...............
果真是最佳的賀年食品呢！

食譜
蘿蔔糕 (阿蘇家姐提供)
材料：大蘿蔔七斤、粘米粉一包(減一碗)
、澄麵一碗、香菇、臘腸八至十條、乾貝十至十二顆、蔥粒調味料︰蠔油三分之一瓶、鹽四茶匙、古月粉大量
做法
1.
把蘿蔔磨成絲，蘿蔔滲出的水留著備用
2. 乾貝泡水後在表面加水蒸約二十分鐘，撕成絲，留下乾貝水備用
3.
把蘿蔔絲下鍋煮，熄火後下鹽、蠔油及三湯匙乾貝水
4. 炒香臘腸粒及香菇粒，再連同蔥粒一起加進蘿蔔絲裡拌勻，下古月粉調味
5.
拌勻粘米粉和澄麵，隔著篩子慢慢加進蘿蔔絲裡拌勻
6. 把所有材料倒進已掃油的糕盤裡，蒸約四十分鐘，最後加上芝麻、紅棗、蔥花點綴

P.S. 我跟足做法，但沒有用香菇。