自創"香蔥煙肉蛋蛋波"

少爺仔同大小姐都超 like 我呢個自創嘅蛋蛋波,

嘅然有 Fans 囉...又唔難整,

咪滿足吓佢哋囉!


話時話吖...敗咗佢返嚟咁耐都係用嚟整蛋蛋波,

一次都冇試過用嚟整 pancake 呢!

真係服咗自己.....

話咁快就食得喇!

今次試落唔同嘅餡料....

睇唔睇倒呢?

係蔥同煙肉哦!

蛋蛋加入鮮奶...特別滑哦!

大帝們以狂風掃落葉嘅姿態....

以九秒九嘅速度....一掃而空,

爽呀!  就是喜歡看着大帝們愛吃的樣子,

多滿足的感覺呢!

鹹湯丸

我的兒時味道....

我的兒時回憶....

一道家鄉鹹湯丸....

在這寒冷的冬日...帶給我無限温暖的感覺!


仲未到冬至....

但巳急不及待...三兩吓功夫便完成,

十分想吃....十分想吃,

痛快的吃了兩大碗!

滿足極了!

XO 醬芥菜蝦球(附食譜)

大家姐送咗樽超正嘅 XO 醬比我,

無辣不歡嘅我又點忍倒唔立刻剪彩至得架!

好味到連少爺仔怕辣(但又鐘意食)又唔like蝦嘅...

都比面食咗兩大舊呢!

材料:

蝦球 一磅
芥菜 六安士

調味料:

蠔油 一茶匙
XO醬   兩湯匙
甜豉油 一湯匙
蒜蓉 一茶匙
薑蓉 一茶匙
蔥    一茶匙
橄欖油 一湯匙
糖    一茶匙
酒    一湯匙

做法:

~~芥菜洗淨, 切成荷花瓣形, 過水川燙備用

~~燒熱一湯匙橄欖油, 蝦球過熱油撈出備用

~~大火爆香蔥、薑蓉、蒜蓉、XO醬, 落蝦球、甜豉油、蠔油、酒及糖
    畧微翻炒至熟透

自家製超正牛丸(附食譜)

由於大帝們超級極之鐘意食牛丸,

所以一有時間就會整定多啲放冰箱....

咁就可以隨時話食就食喇!

自家製真材實料哦!


焗就比較健康啲....

材料:

免治牛肉  一磅
蛋   一隻
洋葱(切碎粒)     半杯
蒜容    兩湯匙
麵包槺 半杯
grated parmesan cheese 1/4 杯 
黑椒    1/8 茶匙

汁材料:

提子醬 2/3 杯
茄汁    1/2 杯
黄糖    一湯匙
pickle relish      兩湯匙

做法: 

---預熱焗爐 350度(華氏)

---將材料 1. 全部撈勻, 搓成波波狀

---放入預熱 350度(華氏) 的焗爐內焗二十五分鐘,

---之後用隔油紙吸油,

---將牛丸放入煮滾的汁料中、可隨時享用或放冰箱保存

***若將牛丸放冰箱的話, 就不用放入汁料中煮

即炒

呢個要搶閘出先呀......

響巫巫樹見倒佢嘅薑蓉炒飯,

引到我 C 吓 C 吓....

仲係要即炒嗰隻呢!

咁啱之前整雞食剩啲薑蓉...

唔即刻炒至奇喇!

用薑蓉嚟炒飯真係滋味無窮...

之前真係冇諗過用嚟炒飯啫,

巫巫真係好嘢呀...好好味呀!

加埋芫茜...香到呢!!!

留咗啲比兩個大帝放學返嚟食,

少爺仔同大小姐都話用咩嚟炒架...好香呀!


識食少爺仔話咁食先夠滋味喎!

成碗飯當堂升呢....

食完之後安樂晒...超滿足呢!

開心其實真係好簡單呢!

估吓咩嚟嘅? (開估喇)

大家估吓以下呢兩碟係咩嚟吖???

多謝大家的參與哦!

查實我係用咗我新敗返嚟嘅模模整架!

唔係 cake pop 模...

呢個係放喺爐上面煮架!

呵呵...係 pancake 模嚟架!

pancake 都未整就用咗嚟整蛋蛋波(我自創的),

大少話你都得架喇!

係呀...我都服咗我自己呢...咁都諗得出!

係咪好有創意呢?

個底都好靚架....仲好重手添噃!

呢個係上圖的答案...

三文魚蛋蛋波,


先放少許三文魚碎喺每格模內,

再加入蛋汁...大約一分钟左右就返吓佢,

半分钟左右就OK架喇!

下圖就只係換咗啲火腿餡咋...做法一樣呢!

加埋啲混醬嚟食....滋味無窮呢!




配埋呢個牛骨羅宋湯簡直就冇得頂添啦!

 

煲足三粒鈡有多呀.....超正!

配個菜.....

加個咸雞上肶.....

呵呵.....咁又一餐架喇!

估得最接近嘅就係豆記喇...叻叻!

加多啲啲

天氣一熱個人就冇乜心機,

食返個涼拌豆腐就最爽不過架喇!

加啲呢啲...加啲嗰啲....總知樣樣加啲,

最緊要就係個汁...呢次都係用日本芝麻醬呀!


真係正到冇朋友呀.....

兩位大帝係牛丸痴....

自家製食得安心又放心呢!

焗就冇咁油添喇....

焗好再用吸油紙吸乾油份.....

加埋自家炮製嘅醬汁....

少爺仔話好似 IKEA 啲牛丸呀!!! 正.....!!!!!

係......???

我淨係樣樣都加啲啲至喎!

紅酒牛尾煲

整咗過百隻月餅...真係手都軟晒,

要回一回氣先得喇!

見啲牛尾咁靚....屋企又浸咗洋葱紅酒,

一於懶得就懶....一煲過就算喇!

主角就係你喇.....紅酒牛尾煲,

自己浸嘅洋葱紅酒...

 

三十分鐘有得食....快靚正呀!

加埋個青紅蘿蔔粟米湯...

食得都不知幾知味呢!

真係懶得出色呀!