大少的蘿蔔糕(附加食譜改良版)

大少話上次整啲蘿蔔糕咸咗少少喎，

要親自操刀睇吓有咩唔同喎！

都係跟阿蘇家姐嘅食譜，

不過...............

今次用咗九斤半蘿蔔,

鹽只落咗二匙半，

嘩！好甜呀...........正！

蒸之前.........

蒸好後...........

煎之前...........

煎好啦！

經過全家人的評審後...........

結果就係大少的改良配方勝出，

我都覺得啱啱好呢！

多謝大少尋晚忙足一個晚上呢！

P.S. 靚蘿蔔係唔駛落糖嘅，因蘿蔔本身已經好甜，
        若蘿蔔唔靚才会有苦味，就要在煮蘿蔔時加些少冰糖便可。

食譜
蘿蔔糕 (阿蘇家姐提供)
材料：大蘿蔔七斤、粘米粉一包(減一碗)
、澄麵一碗、香菇、臘腸八至十條、乾貝十至十二顆、蔥粒調味料︰蠔油三分之一瓶、鹽四茶匙、古月粉大量
做法
1.
把蘿蔔磨成絲，蘿蔔滲出的水留著備用
2. 乾貝泡水後在表面加水蒸約二十分鐘，撕成絲，留下乾貝水備用
3.
把蘿蔔絲下鍋煮，熄火後下鹽、蠔油及三湯匙乾貝水
4. 炒香臘腸粒及香菇粒，再連同蔥粒一起加進蘿蔔絲裡拌勻，下古月粉調味
5.
拌勻粘米粉和澄麵，隔著篩子慢慢加進蘿蔔絲裡拌勻
6. 把所有材料倒進已掃油的糕盤裡，蒸約四十分鐘，最後加上芝麻、紅棗、蔥花點綴

P.S. 1.)  我跟足做法，但沒有用香菇。
        2.)  因為第一次試過覺得咸咗啲(個人喜嗜).........所以減了鹽的份量為兩匙半。
        3.)  蘿蔔加至九斤半，越多越甜越好味。