世事如旗局局新....連整嘢食都係一樣,
明明巳經焗咗千次嘅曲奇....都可以由圓形变咗做方形???
世事真的沒有理所當然....連做餅也不例外,
明明照足份量....照足做法....照足時间哦!
記著....呢個並唔係印模曲奇,
焗完出嚟竟然好似個股市咁狂瀉....
瀉到阿媽都唔認得....黐埋一堆堆,
要用刀切開先至掂....
又衰貪心要大大件....又想一盆焗多幾件,
結果咪攪成咁嘅款囉!
係咪切得好靚呢?
明明巳經焗咗千次嘅曲奇....都可以由圓形变咗做方形???
世事真的沒有理所當然....連做餅也不例外,
明明照足份量....照足做法....照足時间哦!
記著....呢個並唔係印模曲奇,
焗完出嚟竟然好似個股市咁狂瀉....
瀉到阿媽都唔認得....黐埋一堆堆,
要用刀切開先至掂....
又衰貪心要大大件....又想一盆焗多幾件,
結果咪攪成咁嘅款囉!
係咪切得好靚呢?
跟住呢盆精喇....隔得開啲先至有番個曲奇形咋!
呢款落咗朱古力同 toffee 架....超煙靭....正!
跟住落嚟都係整番細件頭穩陣啲喇喂,
呢款落咗花生粒嘅同樣精彩呀!
兩款拼埋一齊叫做見得吓人先至敢送出去與人分享,
至於嗰啲超大嘅方形曲奇就留番自家享用算吧!
哈....點知大少放工返嚟一眼就比佢發現咗呢盆怪形曲奇,
諗住實有彈冇讚架喇....
誰知佢竟然話我點可以咁利害?????
咁大件嘅方形曲奇都整倒....
少爺仔立刻聞風而至....
媽咪好犀利呀....好叻呀你....Awesome!
連大小姐都話未見過咁大嘅方形曲奇,
仲要係咁好味添!
在我眼中認為是失敗之作....
但在三個忠實 fans 來說竟然變成了利害、犀利、仲要 Awesome 添!
多謝你哋比咗個咁大嘅安慰獎過我哦!
I love you all....
圓形同方形食落口都一樣咁好味 ,冇所謂喇
回覆刪除[版主回覆03/15/2012 13:03:24]好彩好味咋...
吓 咁神奇 又真係估佢唔到呢
回覆刪除有三個忠實粉絲捧場 就乜都O掂晒啦
[版主回覆03/15/2012 13:04:09]好彩有佢哋捧場咋...
有佢地捧場你可以做多啲喇
回覆刪除[版主回覆03/15/2012 13:04:31]繼續努力....
整到咁既平面四角唔係Awesome係咩呀..你估個個人都整到架咩...我俾個特大獎你...
回覆刪除[版主回覆03/15/2012 13:06:09]可能都是只此一次喇...下次整唔番架喇, 嘩...乜咁客氣比個特大獎過我呀!
awesome mommy too
回覆刪除[版主回覆03/15/2012 13:07:00]Thank you mommy dearest....
有三位fans支持, 你梗係宇宙最強...hehe...awesome!
回覆刪除[版主回覆03/15/2012 13:07:57]你仲誇...宇宙最強...边有咁利害呀?
我又試覺得好曬喇！
回覆刪除我發覺整曲奇唔可以太貪心，整細少少都無所謂，到焗起時size就自然perfect！
[版主回覆03/16/2012 05:56:17]做人就根本唔應該貪心架喇！
狂瀉: i had the same experience when i baked butter cookies last time. Do you know the reason? I would like to know so i can improve next time. Tks!
回覆刪除[版主回覆03/16/2012 15:17:53]I don't why either...may be the weather???? But I don't have problems on the second tray.