正湯

年サ八....就係咁易都要執吓間屋嘅,

全家總動員一切出擊.....

執咗兩大日....叫做七七八八架喇！

好....等我煲噃個靚湯過佢哋嘆噃吓至得！

鮑魚花膠煲雞湯.......

煲完湯嘅鮑魚切片用嚟炒菜仲好正架！

再嚟個粉絲蝦煲......

炒呢個粉絲一定要乾身至好食架！

哈.....呢種乾身嘅蝦....兩個大帝竟然話要試食呀，

結果.....三份一嘅蝦就落咗大小姐同少爺仔個肚度，

真係好開心佢哋終於肯去試吓食蝦呀！

再落埋蝦米同大量葱去炒就更加嘢味呀！

好正呀........

聽日就去買齊料.......

開始響起最後一擊嘅蒸糕 Bell 喇喂！

在此預祝大家兔年行好運呀！

2011 第三糕~~焗糯米年糕 (附食譜)

蒸糕過年就試得多....無乜新意，

比我喺無敵の部屋 樹睇倒呢個超吸引嘅糯米年糕，

係焗架....仲要係煙煙靱靱嘅嘢我又點會放過至得架！

唔理三七二十一開工喇喂！

焗時好香蛋味.....

我屋企冇嘢多.....模就最多,

鐘意細細個....一人咬一個...免切夠方便嘛！

哈哈.....係我懶就真喇！

啲边边香噴噴....正到呢！

若過年送比人就一大個好了,

用上太陽花模......係咪好得呢？

少爺仔話....媽咪~~有 cheese cake 食呀？

哈......你又玩嘢啦？

不過望真啲又有幾分似噃！

急不及待咬一口,

那種外脆內煙靱的感覺....簡直係殺 C 人，

從未試過的清新感受！

今年決定唔蒸年糕........

一於改為焗糯米年糕嚟送比親友喇！

下次會將奶的分量改為椰奶...相信會更加好味！

食譜改篇自無敵の部屋

材料：
蛋3 個
沙律油 50 g (我用咗菜油)
奶 450 g
糖 150 g (我減至 130g)
發粉 1 tsp
糯米粉480 g  (我用 16oz = 454g)

做法：
1. 預熱焗爐 360F。
2. 蛋打散備用。烤盤先放焗爐紙。
3. 將其餘材料混合，用打蛋器打勻至無粉粒，將麵糊倒入於烤盤內。
4. 入爐焗30分鐘(我焗咗 45 分鐘先熟)，用竹簽插入，如不粘即成。待涼後切塊即可食用。

家鄉西米糕

一如以往..........由細食到大，

但在街外食市未曾見過有得賣的.....我都當係我家鄉嘢架喇！

呢個家鄉西米糕真係唔講得笑架.....

真係百吃不厭呀！

蒸熟時已經無比吸引呀......

加埋 XO 醬......快速咬一口，

呵呵呵......皮薄餡多...又係正到冇朋友呀！

次次都蒸.....煎又如何？

快速煎幾隻嚟試吓喇.....

呵呵呵.......不得了呀！

至愛嘅 XO 醬又點少至得架！

好味到非筆墨可以形容呀......

多料到呢.....連馬蹄都有呀！

兒時總愛看着嫲嫲整.....

搓粉....浸西米.....炒餡料到包....都看得一清二楚,

為獨從未想過自己動手做....何解？

皆因這個是大家姐的拿手.....

想食？大家姐立刻送上，

邊駛自己動手至得架！

實在真的被她寵壞了哦！

少爺仔精選

整開餈飯...剩咗啲糯米，

咁就梗係順手整埋糯米飯喇！

加臘味炒兩炒就搞掂架喇....認真方便，

加埋皮蛋瘦肉粥.....又一餐！

不甘平凡嘅少爺仔又搞搞震....

嗱嗱聲咁摷咗包紫菜出嚟响樹包呀包....卷呀卷！

佢話呢個就係少爺仔精選咁話喎！

真係冇佢收呀！

餈飯

呢個上海小食實在太耐冇食過喇.....

對上一次都要係喺香港至有得食咋，

我覺得整得最正嘅就係喺銅鑼灣嗰間.....

叫咩名？？？又真係從來都冇留意噃,

佢哋係即叫即做架....新鮮滚熱辣架！

真係諗起都正呀.....

記得由佢哋賣四蚊一件....食到上次返去賣十蚊一件，

依然係咁正......不過就細件咗好多喇！

以前一件巳經足夠做 lunch 架喇，

真係好懷念呀......

喺呢邊雖然大把上海食市,

豆漿油炸鬼就有....但餈飯就一切欠奉，

因為太多功....冇人肯整喇！

要食..............又係要靠自己架喇！

沒有油炸鬼....只放上炸菜及肉鬆,

簡單又容易.....

卷埋就得架喇......

嘩.....睇吓有幾正先！

呵呵呵.....真係正到冇朋友呀！

冇油炸鬼都一樣咁正呀.....真攞命呀！

你估吓邊過最鐘意食吖嗱？？？

少爺仔是也......佢竟然成條食晒呀？！？！？

真的有點意料之外呀....仲以為得我先鐘意食添，

點知家中食客個個都話要 encore 至得喎！

好.....等我下次一於去買油炸鬼返嚟再整個至得，

整返個原庒正版嘅餈飯比大家嘆吓先！

大少繼續出擊.....2011 第二糕

話說呢個芋頭糕巳經係大少幾日前嘅作品,

因為比我啲蛋糕搶集先....所以到而家先有時間 post 出嚟！

不得不讚吓大少.....今年嘅芋頭糕更勝舊年，

好味到唔停得口呀！

蒸好後熱辣辣就梗係要即試喇！

但我始終都係鐘情於煎芋頭糕......香口啲嘛！

第二朝已急不及待咁煎嚟試吓喇！

原始的食法......甜醬、辣醬加埋 wasabi 芝麻，

Taste so good.........

睇倒啲芋頭大大粒呢？

我又點少得 XO 醬至得架！

有咗佢.....多多件都吞得落呀！

加埋碗蠔仔粥.....點算好？

呢個配搭我足足食咗兩大碗至肯收手呀！

認真唔講得笑呀......

大少整嘅蘿蔔糕同芋頭糕.......

雖然只是一年先整一次.....但都能保持水準一流,

有大少出手....咁我仲边駛學點整至得架！

哈......哈.......哈！

2011 第二 cake....Henry's B-day

二零一一年

一月二十三日......星期日    晴

大姐夫 Henry 生日快樂！

好豐富的慶生飯哦.......

特別為大姐夫做了個 Sweet Low Banana Walnuts Cake.

供他一人享用的......

Walnuts 係新鮮樹上摘架......

再動手做咗個 Strawberries Blueberries Cake 跟家人一起分享，

Blueberries 撞 purple cream 係咪好 match 呢！

 

諗唔倒点樣裝飾好......惟有全個唧花好了,

以為好易喇.....？！？！？！

哈.....點知唧 cream  都唧到手軟呀！

yummy........

連續兩天都忙於焗蛋糕.....

雖然忙得喘不過氣來.....但卻忙得好開心，

因為甜品的確可以令人好開心,

連這個不愛甜的我.......都越整越開心呢！