童年街頭回憶

喺 Kestrel 度見倒呢個健康又吸引嘅 banana pancake 巳經幾日，

第一時間同少爺仔講會整比佢食....開心到佢拍晒手掌，

接着落嚟就係每朝早第一件事就話要食 banana pancake,

鬼咁肚餓先叫我....边趕得切至得架？

因為要將材料靜止一粒鐘先煎得架！

所以遲遲未有行動.....

終於在假期的最後一天動工，

早餐就一定冇得傾架喇.....

惟有用嚟做 tea 囉！

材料早早巳經準備好幾日架喇！

用全麥粉....加入香蕉蓉、玉桂等健康材料，

真係唔講得笑架！

唉！学埋 Kestrel 啲衰嘢....成四點先食！

每次用 1/4 量杯的份量放進易潔平底鑊度以中慢火煎.....

見起波波孔就反轉.....

話咁快就熟架喇！

掃上牛油及楓樹糖......

配加拿大嘅楓樹糖就最正架喇.......

我每次去 Montreal 都買架！

加埋香蕉一齊食.....簡直正到冇朋友呀！

大小姐食咗四塊......

少爺仔亦都唔弱....食咗兩大塊呢！

突然比我諗起兒時喺街邊的一種小食,

名稱已記不起.....唔係格仔餅哦！

呢個上面掃上牛奶及花生醬架...有些更灑上沙糖，

但個餅底唔知係咪一樣？！？！？

摺埋一件咁售賣架.....

近呢幾年返香港都好似冇見過有得賣喇！

童年的街頭飲食回憶真的買少見少呢，

香港長大的你....唔知又有冇食過呢？