港式西多 ~ ~ ~ 蘇 good

又係星期五啦.........心情勁靚呀！
加上長期的來臨......你話点会唔興奮呢！
咁我就梗係有好嘢介紹啦.....
睇完阿蘇教人整西多之後.........
思鄉情懷簡直滿瀉呀！！！
我要食西多...........
屋企冇厚方飽...... ......薄都照殺啦！
為咗有口感.........又可以變厚啲........
嘻嘻！我將阿蘇嘅做法加咗少少......少少咁多啦，
就係我們這一家最喜愛的...........花生醬叻！

做法 :
1.  首先打三隻蛋，拌勻後加 6 tsp 糖，再加適量鮮奶。
     (阿蘇話蛋與糖的比例係 1 比 2 )
2.  將麵飽完全放入蛋糊中，一定要浸過面，然後快速囉起，
     但一定要肯定麵飽完全索入蛋糊中。
3.  燒紅鑊油，以半煎炸的方法把麵飽放入鑊內，快速反轉煎至两面金
     黃色便可。
4.  立刻放在鋪有吸油紙的碟上(阿蘇冇教呢個，因為我怕多油)。
5.  馬上塗上牛油

食得呢喂............

阿蘇話一定要 make sure 四條边边都要煎香先至叫合格喎。
你睇吓啲花生醬溶晒.......
麵飽之間索滿鮮奶...........
救命呀.........
真係從未試過咁正嘅西多呢！
So Good..........

滑一滑的蒸水蛋 (附做法)

超滑嘅蒸水蛋呀...........
由細到大都超鐘意呢味餸，
喜歡你夠滑...夠易整...夠好味...夠得人鐘意...
由媽咪用水嚟蒸至自己改良為用雞湯嚟蒸.........
都一样咁好味......咁正！
通常諗住最容易不過嘅餸，
就偏偏容易出錯呢！

我用嘅比例係.......
三隻蛋 + 四分三罐史雲生雞湯，

做法 :
1.  首先攪暈三隻蛋，然後用餸架放入巳準備好煮飯的电飯煲內，
2.  之後加入四分三罐雞湯拌勻，記住將蛋放入煲內才加雞湯；
     否則太滿就好難放進煲內。
3.  按掣煮飯便可，待飯熟後...蛋亦剛好滑一滑呢，期間千祈唔好歇蓋呀。

P.S. 通常我唔会用鑊或蒸籠蒸，時間難控制，歇起鑊蓋睇吓熟未先...
        咁就幣啦，碟蛋個面一定唔覩。

豆腐卜節瓜湯

燒汁煎封魚柳

呢味蛋真係老少咸宜架.............
我用呢個方法整真係百試百靈架！
唔信試吓吖？
包你話正.........滑一滑呀！

再見玉子豆腐

本嚟超鐘意食玉子豆腐，
鈡意佢夠香、夠滑、夠靚.......
但有次同三家姐傾開計
佢話呢隻玉子豆腐含超高嘅膽固醇，
一睇成份 label，嘩！.......
因為用咗好多蛋製成..........所以咁香，
但多食無益呢！
既然係咁...........無法啦！
不過点都要食埋呢次架啦..........

梅菜蒸龍利柳

芥菜豆腐湯

其实一心諗住搵倒隻正豆腐.........
之前仲冇得買，我最近先發現有咋，
点知..........！！！
唉！算啦........健康至上，
唯有............食番普通嘅滑豆腐啦。

極之失敗的朱古力鬆餅

朱古力係大小姐同少爺仔嘅至愛，
總之用朱古力整咩佢哋都鐘意架啦
咁我咪学人試吓整呢個朱古力鬆鉼啦！
点知.................唔知点解？？？
個粉好似好稀..............焗又焗到瀉晒........
啲朱古力又沉晒...........
總之就係失敗啦..........
淨係個賣相都唔掂啦，
但結果都有人幫我食晒！
仲話好味添！Yeah！

柱候牛腩 + 牛根

想整呢味餸好耐啦..............
又可以話無整好耐、好耐啦！
但係又覺得好多功..........懶！
今次終於 dig 起心肝去準備............
点解？？？因為大少話想食囉！

煮得呢味餸又点会食一餐吖................
我通常会炆多啲，
因為越煮会越入味..............
又可以整牛腩湯麵啦.......牛根撈麵啦.......
仲有乜乜物物啦...............
最正就係個汁叻！撈乜都咁好味............

冇錯！呢個巳經係第二曰番煮架啦.............更加入味呢！

我就係參照呢本書嘅食譜架啦............掂！

自己對牛腩 OK 咁啦...............
但對牛根就簡直瘋狂..........
無它嘅..........貪佢夠爽口、夠彈牙、夠口感............
總之就回味無窮.....百吃不厭的一道菜呢！

A 餐吖唔該............

又到咗我最愛嘅星期五啦...........Yeah！

一日之計在於晨，

早餐當然重要啦..........

心情勁靚的我...........唔知点解？？？

應該係星期五另我如此興奮吧！

為家人準備了一頓豐富的早餐............

來迎接這美好的一天，

就係咁..........呢個 A 餐就出現咗啦！

少爺仔尋日 Mix  It  Up Day............

即係唔駛着校服..........点着都得，

反轉件衫啦！鶯鴦韈！鶯鴦鞋啦............

而我就幫佢前後掉轉衫啦、衭啦、韈啦！！！

係咪好型仔呢？應吓節吖嘛！

大小姐就 Inside Out 啲衫衭嚟着...........

認真攪笑..........佢行得太快影唔倒相。

美国就係咁架啦.............乜都玩一餐呢！

羅宋湯 + 豉油雞

自從寫 blog 之後，覺得自己学識好多嘢............
以前餐餐諗食乜好..............
而家.............諗都唔駛諗，
上 blog 睇吓啲 blog 食乜.........
唔啱睇到啱...........不知幾盞鬼呢！
好似呢排成日見倒艾菲煲羅宋湯，
攪到我鬼咁想飲..............
都好耐冇煲啦！
今日終於煲咗啦.............yeah！
仲加多隻好耐好耐冇整嘅豉油雞添.........掂晒！

隻豉油雞切到鬼咁肉酸............真係........唉！
真係要好好練習多啲先得啦...........
話時話，新鮮雞就真係滑啲架！正！