Tooth Fairy

           從前有個媽媽為咗搜尋一些健康的牙齒給她天生是沒有牙齒的孩子,

所以到處逐家逐户去尋找小朋友剛脫下的牙齒.......

只要找到合適而又健康的牙齒都會放下一些金錢給這個小朋友(當是購買),

然後她將買回來的牙齒逐隻逐隻的安放到她孩子的口裏....

以後, 她的孩子便有牙齒可以吃東西了；而 Tooth Fairy 的名字亦流傳至今。 

但我的版本卻加入了以下這些....

自大小姐到少爺仔出牙開始, 我巳經跟他們講有關 Tooth Fairy 的故事....

我話 Tooth Fairy 並不是每位小朋友的牙齒都會購買的.......

絛件係牙齒一定要是健康的, 所有蛀牙及不潔的牙齒都会通通的被拒諸門外。

所以你哋一定要每天早晚擦牙及用牙線來保持牙齒潔白健康, 

就係咁大小姐同少爺仔自有牙開始直到現在都有天天用牙線及擦牙的習慣，

而每年到牙醫處檢查及洗牙的時候都會被醫生稱讚他們的牙齒十分健康呢！

直到現在他們仍然相信真的有 Tooth Fairy 的存在呢！

四月二日 星期五

不可不好好的記下這一天,

因為少爺仔下排的門牙巳長了出來, 而他的 BB 牙仍未脫下.....

所以不得不去見牙醫.............

 我預先向他詳詳細細的講述牙醫將要為他如何脫掉兩隻门牙的過程,

好讓少爺仔有心理準備而不會道至恐慌,

話晒都係第一次脫牙....仲要一次兩隻添呢！

少爺仔由打麻醉針到完全脫掉兩隻牙齒都非常合作, (佢無喊呀)

佢仲幫醫生揸住啲儀器添....醫生仲話佢係 "A" helper 添呀！

少爺仔 hold 住個盒仔就係佢兩隻门牙喇...

嗰晚少爺仔巳經急不及待咁放咗兩隻牙入去佢一早預備好的信封內,

放響枕头底等待 Tooth Fairy 的來臨.............

見佢又緊張又興奮個樣真係好好笑呢！

星期六一早少爺仔就開心到飛起咁撲過嚟我间房話我知....

Tooth Fairy 嚟咗喇...佢真係有嚟呀！

佢比咗我四蚊咁多嘅.....點解呀媽咪？Why ？？？

因為你啲牙好靚好健康囉....佢話你 good job 呀！哈哈！

小朋友真係好天真好可愛....真想好好的留住這一刻呢！