一大碗

呢排真係冇乜正式煮過一餐.....唔係出街就係碟頭算數,

隨着二月份的快將過去....生活亦隨之而回愎正常,

手指一數....嘩！三月喇.....仲有三個月又放暑假...咁又一年喇！

時间真係過得快到有點驚呀！

人哋話快樂不知時日過....而我就忙到不知時日過呢！

真的佩服那些又要上班...又要照顧家庭的女强人呢！

呢個星期六本嚟都有約架....大家姐一早訂好酒店去 Reno 滑雪呀！

但見呢幾日又落雨.....又擔心少爺仔....所以決定唔去囉！

佢哋 call 嚟話喺 Reno 吃渴玩樂都不知玩得幾開心呢！

見清閒啲咁咪正正經經煮番餐飯囉！

少爺仔話想食叉燒喎.....只要佢肯食...我就咩都會整比佢架喇！

又係個個爭住啲膿膿哋嘅嚟食呢！

大少煮嘅羅漢齋呀.....正！

我煲嘅發菜蠔是腐竹湯....好足料架！

可能仲係正月喇....連煮啲餸都好以過年咁,

不過冇問題....只要想食又那管得咁多呢！

每次一有叉燒嗰餐...少爺仔都会食一大碗飯架！

見倒佢食得咁開心......多啲功去整又何妨呢！