保重身體

星期六全家洗完牙....由九點半攪到成點鈡...真誇張呀！

好彩個個啲牙齒都非常健康.....yes！

因為好近大家姐屋企....咁就過咗去八吓囉,

一八之下.....又近 lunch time...咁就一齊出咗去個 lunch 喇！

可能自己食清咗一輪....腸胃真係唔係咁受得呀！

結果嗰晚就慘囉.........


全銀菜紅蘿蔔湯

黑椒牛仔骨

咸魚雞粒豆腐煲

清芥蘭

羅漢齋豆腐

芋頭鴨煲

火腩生蠔煲

 
唔知係咪啲芋頭 (我的至愛).......

食完都冇事架....但到咗夜晚就死喇！

胃痛到不得了.....由十一點痛到半夜四點幾,

食咗胃藥仲衰多幾錢重呀！

大少差啲送我去急症架喇！

但我都死忍....唔想半夜叫醒啲細路嚇親佢哋,

好不容易才到天光呀！

好彩第二朝就冇咩事咋.........

真係離奇呀......我一向都冇胃病架嘛？

大家姐話可能係啲芋头呀......

大少就話可能啲嘢太肥膩喇.....

就嚟過年喇.....真係要好好保重身體至得喇！