我的少爺仔呀！！！

呢幾日都總是提不起勁去寫 Blog.......
二月份的忙過不停.............
加上很多很多突而其來的事情把我的思緒都通通打亂了！
懶是其一.......而最主要是我的心肝寶貝少爺仔呀！
真係二十四小時比晒佢都唔夠呢......

話說上星期某日....少爺仔一瞓醒覺就抽筋,
跟之前一樣...係一對大腿..再加雙手腋下處...
痛得他叫我車佢去醫院......狂叫加狂哭咗成半粒钟,
那時巳是晚上八點....大少立刻跟他按摩希望可以舒援一吓,
而我就立刻打电話比醫生.....轉轉接接成個鈡先有個當值嘅醫生覆番我,
講一大輪之後....都係叫我 make appointment 去睇醫生,
好不容易才令少爺仔舒援下來....這一晚我同大少都輪流咁昅到佢實直到天亮。

剛好第二日佢個兒科醫生休息.....又要等多日,
咁就照常帶佢返学喇.....八點先上堂....九點三就电話到,
一聽到係学校打嚟......心有不妙！！
School nurse 話少爺仔發生意外.....個头撞咗落絛大鐵柱...都幾 serious 呀！
嚇到我命都冇.....九秒九時速飛奔咗去学校,
見倒 少爺仔個前額腫到大個隻眼兩倍有多.....
佢冇乜點喊.......................但我個心就痛到想喊！
個 nurse 話 check 晒各樣都暫時冇問題..............
但就比咗張 list 我...24~48小時內如有所列的情況就必須要立刻見醫生。
学校啲 staff 都話少爺仔好忍得痛...佢哋話俘冰前比我所見倒的再腫一倍有多呢！
咁嗰日一路都好留意住佢喇.....直到晚上.....
少爺仔突然流鼻血.....嚇死我呀...是所列的症狀之一....
好彩只是少量....好快就止咗血....呢一 晚又係昅到佢實直到天亮。

好不容易才到天鳴.....又要等醫生九點開门先攞 appointment 去見佢,
十點去学校接少爺仔去睇醫生....
check 一大輪好彩冇咩大礙....但抽筋我反而十分擔心,
醫生只是說幾個月前抽筋去睇佢嘅話一模一樣..........
飲多啲水喇...太好動啫...無大礙嘅！
但我跟大少都擔心係体內發生了甚麼毛病...而抽筋就好像是一個警號,
一個星期抽一次不太正常吧....我哋要求醫生寫紙去驗血,
但佢死都話冇問題....下次再抽先再嚟睇啦！
佢死都唔肯寫紙比我同少爺仔去驗血....都唔知咩理由, 
冇醫生寫紙又唔驗得..... 激死我呀！
我真係好憎喺美国睇醫生呀.....保險費又貴...又谷氣....

如是者到咗前日....少爺仔又有抽筋的跡像.....
呢次我實在忍無可忍喇.....立刻打电話比醫生,
二話不說就即刻叫佢 fax 張驗血紙去 Lab ...我要同少爺仔去驗血,
醫生又喺度講廢話...我話有咩事係咪你負責先？？
End up 佢都 fax 咗去 Lab....但要十小時空肚先要驗得...結果等到今日,
啱啱攪掂送咗少爺仔返学......下星期有結果.....希望佢無事喇！

羅漢齋春卷......我仲加多包 fortune cookies 比佢帶比小朋友食添呀！

呢個貪得意包香蕉嚟試吓......又幾好味架！

話說前晚少爺仔臨瞓先突然同我講.....聽日要帶十五絛 egg rolls 返学校呀！
吓...... 咩話？？？你而家先講.....點解學校冇通知嘅？真定假架！
少爺仔又講得出話...全班得兩個 Chinese .....Grace 同我每人帶十五絛,
因為係 around the world 日....順便要嚟慶祝 Chinese New Year 架！
講到有文有路.....結果我選擇相信.....
咁啱有春卷皮......就做咗齋春卷...健康啲嘛！
佢話十五....但我就包咗二十五絛...有多好過唔夠嘛！
結果由十點幾攪到十二點幾.....你話边樹有攪好瞓吖！
好彩我信少爺仔咋......噚日真係around the world 日呢！