痛快！

剛剛得知少爺仔的驗血報告,
一切正常....終可暫且放下心頭大石,
但總覺問題仍然未解決....咁又何解會成日抽筋呢？
下一步又應該如何做好呢？

話咁快又星期五喇....時间真係過得好快,
點都好喇...有時亦總要放鬆一吓自己,
那仲無形的壓力....有時真的使我透不過氣來。
今朝先去睇完醫生....係大少迫我去的,
因為右边由肩膊向上至耳仔位置痛得好利害,
巳經一星期有多....越嚟越嚴重, 連大聲講嘢...吞口水都痛,
咳就更加攞命....痛得要死！
驚係唔知边度發痰....好不願意咁去見醫生,
Check 過晒話乜事都冇....作感帽啫,
買啲成藥食吓就 OK 架喇！
猛叫我 don't worry....兩星期喇,
仲痛先嚟揾我喇.....
吓.......兩星期？？？仲痛我都 C 得喇！
我都話睇都冇用架喇....！！！
又再一次嬲到震....真係 C 都唔会再去睇醫生呀！

忘記痛楚....寄情去整嘢食,
焗 Muffin 係我至愛之一,
無它嘅....簡單易做又好食嘛！
這個原因已經足夠吧！
今日整咗香蕉核桃 mini muffin,

就算幾煩都好....星期五就把所有不快都暫且放低吧！
所謂"今朝有酒今朝醉...明日愁來明日當",
就讓我吃過痛快吧！