又一懷舊之作 ~ ~ ~ 自製咸蛋

又手痕..............又自製咸蛋呀..............
市面上啲咸蛋实在質素相當差，
啱啱買咗一盒六隻都壞嘅...............激死我呀！
熟嘅就更加唔敢買.............都唔知整咗幾耐呀？
諗起好耐冇整啦...............
一怒之下...............自己整呀！
雖然要等好耐，但都係值得嘅呢！

新鮮鴨蛋三打

個存氣樽IKEA買嘅，我鐘意用海鹽...................

首先冲洗乾淨啲蛋先..............

抹乾後入樽

用三碗水，一碗鹽的比例................如此類推加上去，
首先煲滾鹽至全部溶化，
待涼透後注入樽內........(暖都唔得呀)

頂內放一細碟，目的把蛋壓下去，讓鹽水浸過蛋面。
之後用保鮮紙包蓋面上，用杖根"cool"实樽口，
寫上日期，浸40日就有得食啦！

跟住放進陰涼處，千祈唔好再旭佢呀，咪個蛋黄会散架！

我個pantry好鬼亂呀.............睇唔倒...睇唔倒............哈哈！

好啦！蔽關啦......................

其实漏咗一個步驟就係加三包茶葉落去，
点解.............？？？
咁会令咸蛋個黃紅心呀！
之前試過真係靚到出油架。
今次...........唉！今次失咗憶冇落到！
封咗就唔旭得架啦！
呢個秘方屋企傳咗好耐架啦！
大家不妨一試呢！
由於細個見麻麻係咁整..................
份量係大約.............碗係用飯碗架咋！
哈哈！真係笑死人呢！

我心中的藍罐曲奇

每逢過時過節，或去拜年都不能缺少的...........

由細食到大嗰隻................

係香港人都唔会唔識.......都唔会忘記嘅.............

藍罐曲奇......................

尋晚突然好想、好想整.....................

但我又從未試過.................

上網搵倒個 recipe........哈哈！

有嘢玩啦！又可以一慰我的思鄉情懷呢！

入爐啦！

出爐啦..............

呢啲比大少帶番公司跟同事分享嘅.............

裝得靚啲............食都食得開心啲............大少亦都有面啲................哈哈！

雖然整唔番原庒藍罐曲奇咁多形狀.................

但我巳經盡晒力架啦！

大小姐猛話好味...................

仲話佢又要帶比同學一齊分享喎！

整咗咁多，梗係冇問題啦............

能與人分享真的是一大樂事呀！

哈！唔知大家知唔知藍罐曲奇咪有一隻上面灑面粗粗的糖粒嘅，

係用咩糖嚟嘅呢？

因為我此終都係最鐘意嗰種呢！

窩蛋牛肉飯

今日好攰，應該係懶，

可能天氣影響亦有関係............

唔想煩.........就簡簡單單吧，

就讓我偷懶一日咁多啦！

無錯..................就係窩蛋牛肉飯啦！

好耐冇食過啦....................

喺香港就多數係煲仔上，

但我屋企冇...........所以..............

好彩大家都收貨唧！

餐後甜品係三色雪糕..................

又偷懶...................

又食雪糕.................

聽朝要跑多幾個圈先得啦！

挑戰極限之十穀米

我真係好大膽呀.....................

五穀米都未食晒，見倒十穀米又想試，

一心以為會好似五穀米咁可以接受啦...............

点知........少爺仔一入口就吐唔徹咁吐番出來，

大小姐就話咩嚟架？？？？

大少就話.........啲飯都好特別喎！

結果到我試叻.............嘩！

真係唔係咁好食，簡直食唔倒边粒係米？？？

頂多都係食到五穀好啦！

投降啦................

結果今餐食餸多過食飯............

好彩有炸菜蒸豬肉，

仲有絲瓜炒炸豆腐，清蒸三文魚啦！

至於嗰包十穀米点样處置好呢？？？

唯有下次試吓混入白米睇下 O 唔 OK啦！

失敗！