尋晚雖然退咗燒...........
又飲咗北京同仁堂嘅感冒茶,
喉朧舒服啲...........
所以晚餐都輕便啲！
牛肉蒸豆腐........冇咁熱氣
呢個係小朋友至愛.................干煎龍利柳
快手快腳攪掂呢餐...............
週身骨痛？？
趴咗喺梳化度昏迷咗咁..............
乜都唔做.........唔執碗、唔抹枱、唔乜唔物.............
少爺仔知我唔舒服，
話要同我鬆吓..............
我趴咗喺梳化，佢(三十幾磅啦)就踩上我背脊度...............
行前行後咁...............
嘩！真係好舒服呀！
佢仲猛問我好啲未呀？
大小姐又攞杯熱茶比我.......
瞬息間，突然覺得..................
我的寶貝長大了。
是否真的小病是福呢？
so sweet of your children!!!!
回覆刪除[版主回覆10/04/2008 04:14:00]点呀！習慣做媽咪嘅生活未呀？係咪好充實呢？
是日晚餐都好豐富噃.....病都病得窩心!! 你淨係飲感冒茶得唔得架?? 快啲好返呀~
回覆刪除[版主回覆10/04/2008 09:40:00]冇法啦！呢度啲醫生廢嘅，我咁嘅样去睇咗都会係冇藥食架！所以自己攪掂算啦！
你真好媽媽..病都煮咁多嘢比你家人食...你唔好淨係飲怠冒茶喇..無用O架..快快去睇醫生仲好喇....
回覆刪除[版主回覆10/04/2008 15:53:00]喺呢度傷风咳睇醫生冇用架！唔会開藥比你，過幾日唔好先再嚟睇啦！就算比藥都係叫你去買成藥架咋，唔似喺香港咁方便呢！今日我又試咗喺香港買嘅橙樹化痰素，又幾好味，飲咗又好似舒服的呢！
所以話好多人都話唔生細佬養寵物，有d野起能代替呢！
回覆刪除你真的好幸福哦...仔女都好乖好孝順......
回覆刪除[版主回覆10/04/2008 15:58:00]我真係好開心佢哋咁乖架！所以病都堅持要照顧好佢哋啲飲食架！
牛肉蒸豆腐又幾好喎!!!!!!!健康又有益，等我又試下先~~
回覆刪除[版主回覆10/04/2008 15:59:00]味道唔錯架，清清哋吖嘛！
希望你早日康復! 睇得出每一餐你都好用心煮俾家人食, 佢地又點會唔錫你丫!!
回覆刪除[版主回覆10/04/2008 16:03:00]今日好少少啦！多謝關心呀！ 對仔女又真係幾乖架！所以咪底我煮多的好嘢比佢哋食啦！
Hope you feel better,近日好多人病要小心身體,我地mrleung同大孖公主都有Ｄ咳同喉嚨痛.
回覆刪除[版主回覆10/05/2008 05:48:00]Thanks and take care!