大少的美味蛋撻~~附食譜

蛋撻可算係陪伴我哋一起成長............

直到長大成人後都一樣咁鐘意嘅................

前幾日喺大少面前提過吓想食蛋撻...............

点知佢尋晚竟然............

佢竟然親手整比我食............

一直以為好難整，但見大少三兩吓手腳...........

好快就有得食啦！

雖然個皮膿咗少少...............大少唔係咁開心。

但係啲蛋超滑呀！正！

大少話下次試吓整酥皮喎...........



聽倒都流口水呀！

材料: (大約10件)

蛋撻皮:

牛油          90g
糖粉          40g
雞蛋          12g
低筋麵粉  170g
淡奶           8g

蛋漿材料及製法:

雞蛋          160g
幼沙糖       80g
淡奶           50g
清水           210g

將蛋漿各材料完全攪勻，以隔篩過瀘備用。

製法:

1) 預先的午油攤軟，並加入糖粉，用木漿快速攪拌2至3分鐘至發白。

2) 逐步加入雞蛋、淡奶、攪拌至完全融入牛油之中。
    輕輕拌入麵粉，搓成麵團後放入雪櫃冷藏約1小時。

3) 取出麵糰，並搓壓成6mm之厚度。

4) 用吸模吸成撻皮雛形。

5) 將撻皮放入撻殼中央，由底部開始按壓，撻皮圍边要高於撻殼5mm，
    並注意撻皮厚度要平均。

6) 將撻底排列於焗盤上，並將蛋漿注入撻底至約9成滿，
    以華氏450度(大概，因各焗爐之火力不一樣)之焗爐温度
    焗約15分鈡至熟透即成。


大少你咁忙都整蛋撻比我哋食，我哋已經好感動同好幸福架啦！

膿咗少少仲正啦！你睇見大小姐同少爺仔食幾多就知啦！

期待你的酥皮蛋撻的誕生呢。