咁就不如滾湯啦.................
今日節瓜超靚呀！咁就一於滾節瓜湯啦！
又快又方便又好飲................
話咁快又攪掂一餐啦！
干煎龍利柳
豆腐牛肉粒
蒜容炒菜心
瑤柱蝦米冬菇瘦內節瓜湯
煎嗰陣反得唔靚，所以 好似爛晒咁！真冇用
呢個撈飯一流呀！
多啲菜健康啲
我最鐘意呢個湯呢！
原來唔一定要煲湯，滾湯都一樣可以好好味架！Yeah！
其实真係好耐冇用過湯碗上湯架啦！痳煩吖嘛，但今日...............
覺得個湯碗好靚，個湯又好靚，所以就.................
裝得靚啲，人都食得開心啲呀...............
就係咁簡單我巳經好開心架啦！
真係好, 3餸1湯, 白飯任裝...真好哦~~其實白色餐具真係好靚, 簡簡單單...我好想買2個白色o既焗飯兜...但重未搵到合心水的...
回覆刪除[版主回覆09/24/2008 13:49:00]我喺IKEA見過，不過冇咩款式。 康寧 亦都出咗好多款架！呀！不過唔知香港有冇康寧賣呢？
我想搵簡單的款式...近期ikea連普通款o既焗飯兜都無呀 ...康寧HK好似有得賣, 但要搵下, 唔係度度有囉...要買返D可以入焗爐o既碗碟, 先可以o係部屋煮焗o既菜式哦...
回覆刪除[版主回覆09/25/2008 01:14:00]咁又係嘅！合心水先会食得更開心呢！ good luck ！
A very healthy meal esp for your little ones ! Yes, your soup bowl is very unquie and nice.
回覆刪除[版主回覆09/25/2008 01:14:00]Thanks！
有時唔夠時間, 我都會滾湯~~ 呢邊既節瓜好大個, 好多時一條長既, 已夠煮一個餸~ 香港個D好細條~~
回覆刪除[版主回覆09/25/2008 07:33:00]No！我買嗰啲係(毛瓜)香港BB節瓜叫做毛瓜，係喺唐人鋪買架！呢度我用咗三隻瓜嚟煲呀！好甜呢！
好鬼豐富喎....有時我都鍾意滾湯, 因為放工後仲邊有時間煲老火湯呀! 節瓜我會用瘦肉, 咸蛋一齊滾..好好味o架..加埋冬菇就更香..諗起都想飲呀!
回覆刪除[版主回覆09/25/2008 12:36:00]我都鐘意落咸蛋架，不過我啲自製咸蛋啱啱食晒呀！
我only get to SEE 巳經好開心 la,,, good job, nice dinner
回覆刪除[版主回覆09/25/2008 12:36:00]Thank you！
吓......鹹蛋都自制....真佩服...
回覆刪除[版主回覆09/25/2008 12:47:00]係呀！自製啲正啲吖嘛，係呢度賣嘅又唔靚，我試個買一盒六隻全部都係壞嘅！仲要整壞埋我啲湯先慘吖嘛！边有香港咁方便吖！