師奶效應~~~之死冇蝕底

話說今日買餸嘅時候聽倒師奶A、B、C 喺度大大聲咁話..........
A : 嘩！啲加拿大臘腸有貨番嗱！怏啲買番啲至得，唔係成日有貨架！
B : 乜好好食嘅咩？
A : 係呀！都不知幾香，又瘦喎，仲好..........(仲未講完之際就有人搭咀啦)
C : 係呀、係呀！我嚟親都買佢架！正到不得了.............
你一言就我一話之後，攪都成班師奶走晒過嚟好似方死蝕底咁！
咋一聲！成盒臘腸就煙消雲散，喺混亂當中我竟然都手快咁拐咗两

夾臘腸。
吓！点解我会咁呢？完全沒有意識去買臘腸架嘛！可能呢喲就係叫做"師奶效應"啦！
後來回心一諗都唔知係咪做"媒"嘅！唉！反正未試過........................加拿大臘惕
結果今晚喺餐檯上就發現咗呢碟嘢叻！
吖！大少竟然話 : 喺边度買架？又幾好味喎！
大小姐 : 正呀！
講真又係幾好食嘅！的確好瘦，又......................不過無論点都好，下次
一定唔可以買，因為唔係咁健康呀！

冬菇雞肉扒白菜

至愛玉子豆腐

花生眉豆煲木瓜

好鬼甜呀！煲咗足足成三個鐘架啦！

飲飽食醉後，個個都好relax咁攤咗喺梳化度睇电視，乜都唔想做，碗都
唔執................有時覺得拋開一切，做自己想做嘅嘢都係一大樂時嚟架！