我家的未來大畫家

每天早上的活動都排得密密麻麻,

下晝大多數都會選擇留在家,

呢日兩個大帝又話想出 drive way 度做大畫家咁話喎，

見天氣唔錯....

就比佢哋發揮一吓他們的小宇宙吧！

少爺仔努力當中....

大家睇唔睇得明呢？

少爺仔的傑作....忍者龜是也！

大小姐也不甘後人....盡情地發揮出她的創作天份,

話咁快又畫下一幅呢！

上色前......

上色後.......完成！

少爺仔坐住叫我估吓佢畫咩喎！

C 都唔起身要我佑倒佢畫咩為止，

畫到攰又攤抖吓先....真嘆！

大小姐近日的作品......

大小姐畫得點呢？

請大家多多指教！

焗開有引....

發神經今日突然狂風雷暴,

好彩今朝同大帝哋去游水時只係陰天啫,

游完走嘅時候就開始落大雨喇！

攪咩呀....七月都嚟緊喇！

既然迫住喺屋企....又焗開蛋糕,

咁晚餐就順便焗埋佢喇！

摷吓雪櫃有咩就整咩架喇！

睇唔睇得出係咩呢？

登！登！登！

係芝士焗食通粉呀！

至於料就多囉.......

雪櫃有嘅都放晒落去架喇！

牛肉、洋葱、火腿、芝士、西蘭花.....

呢盆仲應大小姐要求落埋粟米蓉添呢！

真係勁多料呀！

焗到膿膿哋先至係我的至愛呀！

Delicious......

少爺仔無嗱嗱又話要食荷包蛋....

大少又話用三文魚嚟配長通粉都好噃！

跟住見倒個小唐菜‧‧孤零零咁喺雪櫃,

咪順手煮埋佢囉！

就係咁....煮到有啲九唔搭八！

懶理喇.....

反正我煮得開懷....大家又食得痛快,

超滿足的一餐呀！

 

新玩具

買咗個超巨型嘅新玩具,

立刻為它舉行剪彩儀式,

由於真係好大的原故.......

啲份量就計算得差咗啲啲,

下次要再加多一個份量至得喇！

一見鐘情....從未買過咁大個嘅焗盆呀！

金光閃閃....係咪好吸引呢？

都咪話呀......

相比平時啲唔黐底焗盆,

呢种好輕....焗嘅時間仲短咗成十分鐘,

計落真係有着數架！

讃！

大小姐話加啲 cream 嚟食先至正咁話喎.....

少爺仔就仲犀利....要加朱古力至高貴咁話喎！

加咗咁多嘢上去....成件蛋糕都升呢！

襯番我個新玩具呢！

跳、跳、跳

早前少爺仔去佢 friend 底同學仔 Charles 的生日會，

大為緊張的他一早訪問晒佢鐘意啲乜，

晨早要我帶佢去買....

仲要我包得靚一靚先帶去送比人,

仲要寫埋生日咭添呀....

準時到達......

傾唔夠兩句巳經影都冇......

佢已經同壽星仔跳咗上彈牀喇！

真係冇有識 C 呀.......

鬼佬跟我們唐人開生日 party 真係大大不同,

全程玩至上......只有兩件 pizza 供應,

好彩同少爺仔打咗底先至去啫,

因為少爺仔一啲嘢都冇到肚呢！

有得玩就飽架喇！

小心呀....

嘩！呀仔......乜咁大膽呀！

游完水冇耐啫....

話咁快就跟咗個靚姐姐去,

轉個頭仲整裝待發呢！

呀仔.......小心呀！

係唔係路架你......

話咁快就趴咗上去喇！

得唔得架你？

......

仲望番轉頭笑....乜唔驚咩？

終於安全到地喇.......

四點半又夠鐘打羽毛球喇！

小朋友真的有着用不完的活力,

咁又一個星期六喇.....充實到痺呀！