六月天仲落緊滂沱大雨....？？？
室外下着冷雨....室內我整的卻是冷麵,
係味襯到絕呢？
用上肥加菲的秘製醬汁.....
味道真係 perfect 到無懈可擊呀！
大少都讚不絕口呢.....
火腿絲、蟹柳絲、青瓜絲、蛋絲、加埋海蜇,
切到我吖......好彩大少幫手啫,
好豐富的 topping 哦......
大帝們異口同聲齊說走海蜇吖唔該,
乜咁唔識貨架.....？？？
肥加菲話用意粉都好好味架！
絕對應同呀....真係好正哦！
下次試吓用喬麥麵至得......應該都會唔錯呢！
冇計喇....喺呢边買唔倒油麵嘛！
灑上大量喜愛的芝麻...好香呀！
唔想啲意粉煮後會黐埋一舊舊的話,
就要立刻冲凍水......
之後用冰加冰水浸住啲意粉放入雪櫃雪吓佢,
切好材料後就取出瀝乾水份....要好乾好乾,
咁就可以加料嚟食架喇！
啲意粉唔會黐埋...仲好爽添呀！
配埋蒜容飽....超滿足呀！
今次加上少許芝士先焗....好啱 key 呀！
Weekend 先嚟落雨真無解,
不過咁都好嘅....等我迫住喺屋企玩執屋,
執咗大半天先攪掂個厨房咋,
少爺仔同大少就執玩具房,
大小姐就執佢自己嘅睡房同書房,
分功合作全家就喺屋企玩咗一日......執屋,
大少話好多嘢唔用就捐咗佢喎......
聽日繼續努力哦....好攰呀！
呀太, 咪過我地約定都冇咁0岩啦...我今日又係整冷麵 ..今年第一次呀..不過香港地冇雨,仲熱到溶左咁滯呀... 我就用讚岐烏冬, 又係煮左即浸落冰水雪一陣至冰凍, 瀝乾水,加少少麻油免黐住, 繼續放入雪櫃. 配料你既海蜇預埋我啦..多多都唔拒架...真係呀... 我今日有糖醋三色椒 ,香草蘆筍 , 炒本菇 ,煎韓式薄牛扒(細細塊既), 燒汁煎帶子, 乾曬蕃茄煎蛋皮...食時又係拌哂芝麻, 加芝麻冷麵醬同冷麵豉油....係咁易又一餐啦... 你既蒜茸芝士包...整夠一打黎先夠呀
回覆刪除[版主回覆06/06/2011 01:22:00]哈...咁啱！你係今年第一次....我係從來都未試過整呢！都係第一次哦！
熱到暈又係 C..... 滂沱大雨又係 C.....
豆記你駛唔駛咁多料呀... 早知約埋一齊 share 喇！
蒜茸芝士包整得八件....真係唔係幾夠喉呢！
咦 未試過用意粉整冷麵喎 我呢邊有油麵賣 但我就麻麻地 走海蜇 咁嘥料 我地多多都唔夠食呀
回覆刪除[版主回覆06/06/2011 01:08:00]試吓吖....豆記用烏冬添呀！我都有諗過架...不過試意粉先啫！
油麵我都怕太油呢....
係喇走海蜇.....真嘥料呢！
呀太, 我用既係類似呢隻既乾身烏冬呀...煮出黎好似上海麵咁既..唔同平時粗身烏冬呢...但都係超滑架...你果邊超市有冇呀...唔一定呢隻包裝, 只要係讚岐烏冬就得了...入面係一卷卷既..
回覆刪除[版主回覆06/06/2011 15:03:00]我長期都係食呢隻牌子嘅烏冬架...不過未試過乾嘅...等我去日本超市摷吓先！
呢個冷麵汁加埋意粉真係超讚呀!!!!好岩夏天食~~~
回覆刪除[版主回覆06/06/2011 15:04:00]一流呀....
夏天食冷麵好正!今日香港天氣好熱呢!
回覆刪除[版主回覆06/07/2011 02:56:00]我呢樹今日好凍呀！
我多數用喬麥麵, 要滑d就用烏冬
回覆刪除[版主回覆06/07/2011 02:57:00]下次試....
啊 ..... 好多配料...好想試一口.....
回覆刪除次麵 會唔會好乾架.....
[版主回覆06/14/2011 00:03:00]啱啱少爺仔生日開 party 整呢個....一至好平.....全部食清光呀！