發神經今日突然狂風雷暴,
好彩今朝同大帝哋去游水時只係陰天啫,
游完走嘅時候就開始落大雨喇！
攪咩呀....七月都嚟緊喇！
既然迫住喺屋企....又焗開蛋糕,
咁晚餐就順便焗埋佢喇！
摷吓雪櫃有咩就整咩架喇！
睇唔睇得出係咩呢？
登！登！登！
係芝士焗食通粉呀！
至於料就多囉.......
雪櫃有嘅都放晒落去架喇！
牛肉、洋葱、火腿、芝士、西蘭花.....
呢盆仲應大小姐要求落埋粟米蓉添呢！
真係勁多料呀！
焗到膿膿哋先至係我的至愛呀！
Delicious......
少爺仔無嗱嗱又話要食荷包蛋....
大少又話用三文魚嚟配長通粉都好噃！
跟住見倒個小唐菜‧‧孤零零咁喺雪櫃,
咪順手煮埋佢囉！
就係咁....煮到有啲九唔搭八！
懶理喇.....
反正我煮得開懷....大家又食得痛快,
超滿足的一餐呀！
呢餐好豐富喎 個通粉焗得好正呀, 不如我用pizza同妳交換吖
回覆刪除[版主回覆06/29/2011 09:39:00]有得諗....反正我有兩大盆....殺你！
嘩..有冇豐富D呀...雪櫃可以搵出咁多存貨...我雪櫃蔥都大條呀..
回覆刪除芝士焗到金黃幾時都超正啦..仲加咁多料入去...
大少既三文魚又係正呀...煎到外脆內腍...荷包蛋煎到邊脆真係冇得彈啦...喂..喂..加多位我搭台啦
[版主回覆06/29/2011 09:51:00]聽講你啱啱咬完早餐至噃.......咬唔咬得落吓豆訖~~
真係好豐富呀.
回覆刪除[版主回覆06/29/2011 14:47:00]超滿足呀........
留返lunch or tea囉
回覆刪除[版主回覆06/29/2011 14:47:00]咁你用咩同我換先？
嘩,荷包蛋都8隻,唔肚滿長肥都幾難!
回覆刪除[版主回覆06/29/2011 14:45:00]六隻之嘛.....
It has been raining like crazy these days too ! The eggs looks good !
回覆刪除[版主回覆06/29/2011 15:07:00]係呀....全部都係半生熟架...少爺仔最鐘意呢！
個白汁通粉正到不得了啦!!!!!你係咪用cream做汁???
回覆刪除[版主回覆06/29/2011 22:40:00]我喺 Costco 買架咋..方便嘛！
睇到第一幅相時，嚇得我以為又同妳撞 pizza o添！ 妳好似唔識 攰 咁 嘅！
回覆刪除[版主回覆06/30/2011 06:09:00]攰都要食架.....呢個焗嘢巳經係超簡單架喇！
好勁喎……雪櫃有咁多食物！
回覆刪除[版主回覆06/30/2011 06:12:00]喺美國隨時三五七日唔去買餸屋企都有存貨呢！
嘩，好豐富呀 ！焗到金黃色燶燶地嘅食物我最like．個三文魚又煎得咁鬼靚，引C人咩！係唔係要開大火先可以煎到咁樣呀？
回覆刪除[版主回覆06/30/2011 06:13:00]開大火後轉中火....每边煎三分鐘....包正！
嘩 有咁多好嘢食 預我一份好喎
回覆刪除[版主回覆06/30/2011 06:14:00]埋位喇！
我地今日都落大雨
回覆刪除[版主回覆06/30/2011 14:33:00]攪咩呢？反常的天氣哦！
我都鍾意, 燶燶地...yeah! 樣樣都好正, 荷包蛋, 焗通粉...oh...
回覆刪除[版主回覆07/01/2011 12:59:00]係喇....燶燶哋先正嘛！
正！我又要跟這個啦！ I love all your baking dishes .......
回覆刪除請問焗芝士通粉要焗多小時間,
回覆刪除用什麽做醬汁