更讓我想起食落有種暖笠笠感覺的湯丸,
窗外下着滂沱大雨.....增添了幾分思鄉的愁緒，
兒時味道總會另人難以忘懷......
這道家鄉咸湯丸....又教我怎能忘記呢！
點解我會叫家鄉咸湯丸呢？
皆因在屋企以外都未曾食過.....
兒時嫲嫲最愛弄這個咸湯丸，
特別係做冬時一定會有咸湯丸及甜湯丸，
而咸湯丸永遠是清得最快的......
嫲嫲離開了我們之後就見倒媽咪整，
現在媽咪亦都離開了我們.....
想食就要自己動手架喇！
開粉喇........
兒時最愛圍着枱边看嫲嫲怎樣搓粉,
跟着就幫手搓湯丸....當時覺得真係好好玩架！
話咁快就搓好粉喇......
先煲滚水將湯丸煲熟....
見湯丸浮面就 OK 架喇！
分開煮就不會另湯底有糊口的感覺,
食落煙靱彈牙......
講吓個湯底先.....
比起嫲嫲及媽咪嗰啲真的有過之而無不及架！
材料有：乾瑤柱、金華火腿、蝦米、冬菇、白蘿蔔、紹菜、臘腸、牛丸、豬肉同埋.....
呢個煎魚餅呀....
煎完後切條...已經正到忍唔住偷食呀！
呢個湯底正啦掛？？？
認真勁多料.....勁鮮甜呀！
湯丸一次食唔晒可以雪住佢....
記得到食時先好煮呀！
嘩....甜到吖！
加埋自己混嘅 XO 醬辣豉油....
又係正到無話可說呀！
我足足食咗三大碗呀.......
真係好滿足呀！
一道湯丸讓我憶起無數兒時往事....
你又可有一道讓你憶起兒時往事的菜式呢？
I like to add white pepper and sesame seed oil in mine. Yum...
回覆刪除[版主回覆12/08/2010 10:04:00]Me too....
我們可能是同鄉啊。這是我家每年農曆冬至必吃的。我愛吃用粘米粉做的湯圓，而糯米粉做的會較滯。正如 Clarasjoy 所說，古月粉和麻油是不可缺少的，還有要灑上芫茜和蔥花。
回覆刪除[版主回覆12/08/2010 10:10:00]真係......咁我哋咪係鄉里？？？? Lol...... 我忘了灑上芫茜和蔥花哦.....
我兒時都有食過呢個湯丸, 呀媽會落埋大蒜吊味, 你係咪東莞人呢??
回覆刪除[版主回覆12/08/2010 15:04:00]廣東省.....XX縣！美国鄉里多的是！
嘩 材料咁豐富 梗係正啦 引C人呀 我食過嘅 無咁多料架
回覆刪除[版主回覆12/08/2010 15:02:00]係呀.....我加足料吖嘛！ Jo 姐唔通又係鄉里？？
My 婆婆 used to make this during the chinese new year too! And she's the only one made this ..... after she passed away, i have never eat this again
回覆刪除[版主回覆12/09/2010 11:34:00]Come over then....I would love to cook it for you.
兒時味道，永遠令人難忘！ 雖然我從來都未食過鹹湯丸，但淨係 諗都已經覺得一定好好食，又係正到無朋友之作啦！ 我又要煮呀！！！！ 搓多 咗 嘅湯丸點樣入盒呀，唔怕全部黐埋一堆咩？
回覆刪除[版主回覆12/09/2010 13:19:00]你灑少少糯米粉上去就冇問題架喇....當然要盡快食咗佢喇！
You are so nice Motonako! I would love to come to visit you if I have a chance in the future
回覆刪除[版主回覆12/10/2010 02:34:00](Empty)
我都好鍾意食咸湯丸, 不過就無妳煮咁多料啦
回覆刪除[版主回覆12/10/2010 02:34:00]多料啲...好味啲！
細個時媽咪每年冬至都會整鹹湯丸, 真係好食好不得了呀. 所以我都想學下點整, 唯一唔識既係搓湯丸既份量.
回覆刪除[版主回覆01/13/2011 13:26:00]搓湯丸既份量幾多唔緊要架....只要將未煮的放入雪櫃...到食嗰陣先煮, 我通常都係搓一包粉嘅份量。
謝謝妳, 我打算星期六試下整, 我想問搓粉用凍還是熱水?
回覆刪除[版主回覆01/13/2011 14:12:00]不用謝....我係用熱水架！
不好意思,我想問下,要加幾多水,麻煩哂
回覆刪除[版主回覆01/15/2011 02:10:00]我冇量過用幾多水架.....靠手感.....少少咁落搓勻就得架喇！