超滑椰汁糕 (附食譜)

上星期的新年聚會總共做了三款甜品,

其中一款就係呢個超滑椰汁糕喇！

之前都有整過架...但未試過加淡忌簾,

見如月整得咁正...我咪又跟住試吓囉！

嘩....加咗忌簾真係滑好多呀！

連大少都話今次整得超滑呀...正！

不過我就覺得甜咗少少....

下次將糖份量減至半杯試吓先得。

我係用矽膠模嚟整架.........

用之前先用凍水冲吓個模先.....咁就好易甩模架喇！

食譜 from 如月

[材料]

淡忌廉250g，

椰漿400g，

糖3/4杯，

水1杯半，

魚膠粉1湯匙半

[做法]

(1) 將淡忌廉打至企身。

(2) 糖和魚膠粉拌勻，用細煲燒滾水，將糖同魚膠粉混合料倒入，攪至完全溶解，再加入椰漿煮滾。

(3) 將煮好之椰漿倒入打好之奶油中。

(4) 預備一個大盆倒入冰塊，將盛有椰漿之盆坐於冰塊上，不停攪拌至開始凝固，倒入模中，放入雪柜雪3小時。