正譜.....香蕉糕 (附食譜)

超鈡意食香蕉糕...市面買嘅又超甜,

嗰日巡 blog 比我發現偶像如月有個正譜譜,

又係少甜....

唔試吓整就真係對唔住自己呀！

結果上星期新年聚會就第一次試整....

哈哈....一試就 OK, 大家仲讚口不絕添呀！

真係要多謝如月個靚譜譜至得喇！

食譜 (from 如月)

糕粉140g，

凍開水120g，

砂糖120g(糖已減半)，

菜油(橄欖油)25g(若用生油20g)，

香蕉香油少許

[做法]

(1) 將砂糖、菜油、香蕉香油加入清水中攪拌勻，直至糖完全溶化。

(2) 逐少加入糕粉，慢慢拌勻。

(3) 倒在工作枱上，搓約九下，蓋上保鮮紙靜置20分鐘。

(4)將香蕉糕糰搓成長條形，灑上少許糕粉，切成4寸長即可。