2011 新年快樂！

2010 即將過去.....(美國時間)

回顧這一年...只可用滿足來形容，

能與家人齊齊整整、開開心心渡過每一天,

巳是我的最大得着....實在感恩！
(心中富足)

祝大家 2011 新年快樂！

灘灘腰...

落咗咁多日雨....今日出太陽噃,

咁就梗係出外走走運動吓喇！

睇倒後面一灘灘水嘛？

"扇" 到我直一直呀....x#@%X*#

我跌咗先唔夠十分鐘.....

又到大小姐中招....

少爺仔有姿勢有實制架....

打完波就過咗公園玩...

小心呀百厭星....

話就話出太陽....但都超大風呀！

我同大小姐都跌到灘灘腰....

冇晒心機......

玩咗一陣就打道回府喇！

我左邊手、腳同腰而家仲好痛呢....

好彩大小姐冇我咁傷啫！

Tea 咗未？

大家 tea 咗未呢？

老友~~ 埋位喇喂！

 

今次打咗紫色 cream....

卷得認真嘛嘛.....

勉強卷得起喇....

配返杯凍頂烏龍....忍真一流呀！

 

遠睇都 OK 架！

 

但近睇就好唔掂囉！

呢盒包得靚靚咁...送比家姐慢慢嘆嘅！

襯仲有成個星期假放,

想整咩就要快手喇....

咪下星期返學又忙到一头煙架喇！

呢款蛋卷真係要多多練習至得呀！

第二次整....不過不失喇，

係個樣衰啲啫.....

但家姐哋都話好味架！

你哋又賞唔賞面一齊 tea 吓呢？

Boxing Day

聖誕禮物一早喺聖誕節已經拆晒,

Boxing day 咪出去再攞過禮物囉！

少爺仔已經急不及待咁想衝入去喇.....

玩得未呀？？？

又唔夠高....

最緊要就係攞飛哦....

大小姐就鐘意玩射籃多啲...

我哋就梗係座吓食吓嘢喇......

Spicy wings.......正！

食先少爺仔同大小姐又繼續博殺,

少爺仔熱到連衫都除埋呀！

三百多個代幣用咗兩個多小時全花清光，

有成千幾分....成績也算不錯,

帶咗佢哋嘅全 A 成績表去，

一張獎勵咗二十個代幣哦....成 US$5.00架！

又幾盞哦.......

至於可換嘅禮物真係揀唔落手架！

跟香港嘅冒險樂園簡直無得比呀...............

唉....算喇....無得同香港比架喇！

********投票結果公佈*******

大小姐跟少爺仔的 gingerbread house 同分，
8 比 8....雙冠軍，
多謝各位 blogger 的投票支持哦！
兩個都有獎....皆大歡喜呀！

聖誕日

兩個宝貝一早起身就呱呱叫.....

Cookies 食咗....杯奶飲咗，

聖誕老人真係有比禮物我哋呀，

少爺仔跟住就同家姐瓜分晒啲禮物喇！

邊樹等得到 boxing day 先拆吖......

九秒九就拆晒喇.....

高達呀......少爺仔至愛！

開心得佢吖.....

拆完就約咗家姐哋食 lunch 去也，

天都黑晒.....仲風大雨大真無癮哦！

不過亦無損我們的食慶.....

 

 

 

 

 

今年的街上的聖誕氣氛並不濃，

街上燈飾不多....也不太吸引，

希望新的一年經濟好轉,

人人有工做....市面可回復繁榮的景像喇！