椰絲波波(失敗之作)

想試整呢個椰絲波波好耐，
因為十分愛吃椰子味的東西，
椰孑糖(甄占記嗰种).....雪糕啦......椰汁糕啦.......
總之係椰子味都会照單全收呢！

見 blog 友個食譜整得咁易咪跟佢試吓啦！
出焗巳經急不及待咁即刻試，
点知唔掂...........真係好唔掂，
一咬即碎........就連大少都 呀！
仲十分乾添..........
唔知有冇人識整呢個椰波波呢？

再度重遇你......菱粉糕 (附食譜)

看見 Cherry Poon 所做的中式九層糕，
有一种莫明的興奮............
就好像是尋回失散多年的好友一樣，
那种親切的感覺................
实在興奮得難以形容，
一幕幕兒時的境象又一一的浮現眼前。

那就不是兒時常吃的菱粉糕嗎！
跟家鄉蒸蛋糕並肩的它就像是 孿生姊妹 一樣，
在過時過節的時候..............
每每都會一同出現在我的眼前，

我有一個怪癖............
食這個菱粉糕的時候，
總愛一層一層的去慢慢品嘗........
那种嫣靭軟滑的感覺，
真教人畢生難忘！

一層一層享用.........係咪薄呢？晶瑩通透.......正！！！

包好送比大家姐！

菱粉糕食過無數無數次.......
但從來沒想過要自己動手去做，
隨着祖母及母親的離開.....
加上移居外地多年.............
就連我自己也記不起有多久沒有再遇過這個老朋友。

有种莫明的衝動.......
走到雜貨鋪找來這包菱粉，
誓要尋回這個兒時的味道與感覺。

立刻 家姐啦....姨媽姑姐啦........
因為我唔識点整........
結果知道用甚麽材料......点樣整，
但份量一切欠奉.....全部都是大約數，
咁嘅情形之下..........
無辨法啦！惟有自己嚟啦！

材料：

菱粉一包 = 15oz，粘米粉 50g，片糖 366g，水 880g，菜油 1 1/2 湯匙

做法：

1)  先將糖用水煮溶，待涼備用。
2)  篩入菱粉、粘米粉及加菜油拌勻。
3)  將總溶液分成平均等份，這次我分了七等份。
4)  放入四方型模內，模底掃上少許菜油。
5)  用猛火遂層遂層蒸，每層蒸五分鈡，然後倒進另一層。
6)  如此類推去完成，然後再蒸十五分鈡即成。
7)  待涼透後灑上芝蔴切件享用。

成功啦！成功啦！
我唔鈡意太甜.........所以味道啱晒我，
鈡意甜的你可以着量增加糖份。

其实並沒有規定做幾多層，
模的大小足以影響層數的多寡，
對於我而言..........
可以再次品嘗這極品，巳是對我的厚待了。

天寒地凍打边边

天寒加地凍........
橫風橫雨咗成個星期，
真係冇引.......

今曰叫做太陽出來了，

但卻又勁大風，
咁嘅天氣真係人都顛呀！
咁嘅環境最好就係喺屋企打边边啦！

數埋先得嗰一屋四個人，
所以沒有特別準備.......
大部份都係小朋友嘅至愛，
乜丸物丸囉.............

屋外十分寒........加点冷，
但屋內的我們這一家，
卻充滿着一顆顆暖暖的心，
真教人滿足不過的感覺呢！

鮮奶燉蛋白 (巳加食譜)

今日又学人整鮮奶燉蛋，
叫做 OK 啦.............
不過下次可以整得再滑少少就 perfect 啦！

呢個用籐做嘅籃仔(有彩珠嗰個)係大小姐整架！
係咪唔錯呢？

豬豬配熊貓.........
你又鈡意边一個呢？？？

材料：
蛋白兩隻，糖兩茶匙，鮮奶300 ml
做法：
先將蛋白加糖打勻，
慢慢加入鮮奶再拌勻，
然後過篩，
水滾後隔水蒸 十分鈡即成。

豉油雞 (附食譜)

連續幾日都冇乜煮過正餐.................
真係手都痕埋啦，又突然抽起條根好想食，
乜東東？？？
咪就係豉油雞囉！
都唔知点解呢排啲黃毛雞貴咗咁多？？？
想食、想食、好想食，
冇計啦！

想整得好味.......跟阿蘇嘅食譜就冇衰架啦！
So far 我都百試百中,
從未失手過呢！

豉油雞 食譜源自阿蘇

材料：雞一隻、薑兩片
調味料︰濃醬油(老抽)、淡醬油(生抽)、片糖四分之三塊、玫瑰露酒、水

做法:
1. 把薑和調味料下鍋煮開，再放雞
2. 用慢火煮，每隔五分鐘翻動一次，煮約四十五分鐘即成

心情勁靚呀..............
咁就梗係要甜一甜至得啦！
食埋呢個蕃薯糖水就啱啱好啦！
nite nite 啦！

Raisin Walnut Pound Cake (巳加食譜)

今日兩個寶貝叫做生猛啲啦！
Thank God！
喺屋企呆咗成個 long weekend，
希望聽日精精神神上学去。
今日叫做有啲心情............
跟 Rachel Yau 本書試整咗呢個 pound cake，
真係好夠份量呢！

小朋友唔鈡意橙茸所以冇落，
加咗佢哋嘅至愛葡萄乾及合桃...................
唔太甜，牛油味十分香濃，
連大少都話好味，
不過.............
最開心的還是見倒兩個寶貝有番食慾呢！

食譜 (Rachel Yau 精巧甜品 DIY 2)

材料：
牛油         240克
麵粉         240克
糖            180克
蛋             50 克
泡打粉     1茶匙

做法：
1.  牛油和糖置大碗中，以打蛋機打成奶白色忌廉狀。
2.  逐一加入蛋打勻----一隻一隻咁加，
3.  輕輕拌入巳篩粉類拌勻。
4.  將麵糊倒在餅模內，
5.  以攝氏200度(华氏395度)先焗10分鈡，取出在蛋糕中间割 1吋深刀痕。
6.  放回焗爐再焗 20分鈡(若顏色太深，可在最後 10分鈡，在蛋糕面蓋上牛油紙)。
7.  脫模、待涼、切件享用。

無奈

無奈的事情多得很.............
縱使不願遇上，也得要接受和面對它。
大小姐的病終於痊染給及少爺仔了.......
同樣有咳嗽及發燒的跡象，
雖然沒有大小姐那麼嚴重，
但看見他倆的樣子卻足以令我心痛極了。
早上煮出三款不同的早餐............
好讓沒有胃口的寶貝們有点選擇呢！

幸好大小姐及少爺仔均選擇食咗小小火腿通粉，
吃過退消藥後便衝衝上学去也。
点解發燒仲番学？？？
大小姐叫做退左燒........食緊抗生素，
少爺仔........101度呀！！！
但他卻堅持要上学去，
皆因他期待巳久的 Valentine's Party 就正是這天呀！
我見 Kindergarten 只須上課三小時，
就還他的心願吧！
親手把一張張心意咭送到小朋友手中，
其中一樣家課就是要在心心上寫出朋友的意義，
用自己的文字及方法去創作再表達出來，
唔知你哋明唔明佢想講咩呢？？？
冇錯........就係............
A friend is honest.......
A friend is true...........
 A friend is precious.....
A friend is You.........

他們這一病卻讓我失去預算，
本來計劃好晒要整乜乜物物嘅我..............
結果卻沒有時间讓我做好，
惟有用家中所有的物資放了些糖果在內，
加上少爺仔做的心意咭........
就這樣帶了上學去，
心型的那盒是送給他老師的，
內面放滿了金光閃閃的樂家杏仁糖，
希望收到的人会鈡意吧！