Simple

開學已經足足十日....比想像中忙,

時間也十分緊迫....因上課時間差不多，

無法喇...大小姐同少爺仔分開兩間唔同學校嘛！

接放學時又係要趕.....生活真係充實到不得了。

今日少爺仔亦開始返番去 YMCA 游水,

點解？因為係室內游池嘛....天氣幾凍都冇有怕喇！

無計喇...游水對少爺仔嚟講係一種不可缺的運動，

無論對氣管及身體健康都有莫大幫助,

只要對少爺仔好....我幾趕幾辛苦都會堅持架！

一向喜歡跟朋友分享美食,

有個朋友試過我整的蛋糕讚口不絕,

不時嚷着要我教她怎樣焗蛋糕,

我呢啲三隻貓功夫實在不敢在人前獻醜....

只給了詳細的食譜讓她自己試試,

誰知她試了三次都失敗....

急忙打电話向我求救...仲話要我親身教授至得,

忙得不可開交的我卻不好意思推辭,

今朝襯兩個大帝返晒學就嗱嗱聲抽咗三個鐘出嚟整餅,

沒準備甚麼花巧的的裝飾....

因為只要餅底做得好....cream 打得好,

日後想點變化都冇問題喇！

只要基本工做得好...咁就做咩蛋糕都得心應手喇！

一切由 simple 開始.......

由打蛋開始....都帶着她一步一步的直到完成，

那份成功的喜悅在她的臉上表露無遺，

其實做蛋糕又好...打 cream 又好,

只得一個字.....就係要"快"手,

有充份的準備....咁就做咩蛋糕都冇問題喇！

唔好講笑....

一齊坐低嘆番吓先喇喂！

嘩！軟熟到海綿咁...好彩無失禮啫！

再忙也好...見倒朋友個開心樣就咩都值得,

九秒九又急急腳鬆人....要接放學嘛！

跟住又趕住同少爺仔去游水.....

忙碌的一天就咁就過咗喇....

攰到我呢.....要覺覺豬喇！

每天可簡簡單單咁過巳經就是幸福了,

Simple 嘛！