兩個半月的暑假無聲的飛逝.....
八月二十四日 星期三 晴
兩個寶貝今日正式開學喇！
一早起身準備....今年比較緊張,
皆因大小姐上 high school 喇......
兩間學校不同地點嘛,
先送咗大小姐然後再趕送少爺仔....
趕到我吖........
好彩準時到達....
First day of school 嘛！
吓！有兩個 Ayden？？？
好彩唔同 spelling....
Ayden and Aidan....
哎！但點都有啲唔方便呢！
發音一樣吖嘛....
今年少爺仔嗰班只有四個以前同班的舊朋友.....
Charles 係其中之一，
今年班的 donation items 太重喇....
所以咪護送少爺仔入班房囉！
全班有捐文具用品的同學仔數埋唔夠五個,
點解其他 parent 又可以做得出唔買嘅呢？
成張 list sent home 話明要第一日返學要帶架嘛,
係全班 share .....真係唔 fare 呢？
Well....年年都係咁....
少爺仔係好學生....梗係做好本份喇！
冇心機咁款....？？？
原來...........
幣！"管家婆"(我哋幫 Hanna 改嘅花名) 坐喺少爺仔隔離呀,
佢好 bossy 架！乜都要管....乜都關佢事架！
最鐘意去老師面前告狀.....試過告到去校長度添呀！
少爺仔~~祝你好運喇！
一開始先嚟做一篇數學 warm up 吓先...
比心機呀少爺仔....
放學再嚟同你打戲呀吓！
九秒九又趕咗去 YMCA 同少爺仔報九月份游泳班,
再去同大小姐報逢星期六上午的日文班，
一個忙碌的學年又正式開始咗喇......
學年正式開始(08/15/)~~~~ 日日 要趕趕
回覆刪除[版主回覆08/25/2011 09:40:00]嘩...早返咪早啲放暑假囉！
返學忙 唔返學又忙 放假仲忙 超級媽媽萬歲 文具唔夠全班用 咁會點呀 自己再買
回覆刪除[版主回覆08/25/2011 09:39:00]我精呀....全部貼晒少爺仔個名上去, 就算 share 起碼老師都知係我哋買囉...係有啲無奈架！今日又派張紙返嚟提啲學生要買 donation 啲嘢, 其實損乜鬼吖...直投話一定要買咪好囉！若果唔夠....先生就要自己出錢買....所以做教書真係唔好做架...人工又唔高！講嚟講去都係父毋唔識做.... 其实咪又係用番喺啲仔女身上。
妳呢個 super-mom 又有排忙囉
回覆刪除[版主回覆08/25/2011 09:31:00]24/7....冇計喇！
你們早我們一個星期開學. 少爺仔班中有很多白人. 我們這邊比較多亞州人.
回覆刪除[版主回覆08/26/2011 02:42:00]99% 都係白鬼呢！不過校長係唐人噃！
管家婆 佢真係好煩??咁快開學?
回覆刪除[版主回覆08/26/2011 02:41:00]早返咪早啲放暑假囉！
乜咁早開左學啦..香港仲有成個禮拜可以hea呢...就係少爺仔左手邊個係管家婆呀...咁真係煩啦..少爺仔一於日日係咁勁煩佢..煩到佢頂唔順要求調位走人... 學校點解要人地捐文具呀..明知係人都自己搞掂啦...我諗d冇做既父母係以行動抗議囉...第日取消就好了... 大小姐仲學埋日文添呀...唔易架...超煩呢...仲煩過管家婆架..要努力啦..2個都係呀....
回覆刪除[版主回覆08/26/2011 02:54:00]係喇...各自各買咪好囉....大部份都唔買边樹有人抗議至得架！
大小姐至愛係晝日本漫畫....唔學日本點得吖, 佢仲話要去日本留學添呀！高中佢巳經讀緊西班牙文架喇, 不過佢有興趣就實讀得掂嘅...好彩兩種外語都有 credit 唧, 加埋本身的流利廣東話...再加我教的普通話......第時上大學就着數好多架喇！
have fun!!!! We will start on 1/9!!!!
回覆刪除[版主回覆08/26/2011 02:40:00]Yeah...
我哋都係噚日開學呀！小嘩鬼上幼稚園喇！我哋啲文具學校搞掂，唔使自己去買，今年仲要係老師自己去買，家長找數！提防家長們賴賬，註冊時啲老師好似“南無佬”咁喺妳耳邊不停同妳講“捐啦、捐啦！”。想唔捐都好似好衰咁啦～
回覆刪除[版主回覆08/26/2011 02:40:00]咁咪好囉....個個比錢就搞掂, 都係用番喺啲小朋友身上啫！
唔好理其他人咁多，亦唔駛太介意公平唔公平（呢個世界一向都唔公平 ）。
回覆刪除你做係為咗自己負責任，同俾仔女做榜樣嘛。呢個世界負責任同好人永遠都係好少數，但唔等於要將自己拉低同大多數睇齊，擇善固執嘛。
[版主回覆08/26/2011 14:15:00]其實都係不吐不快啫...,,,,.年年都係咁, 但我年年都繼續買.....
今日少爺仔先話隔離冇 Sharpie highlighter 用叫佢比枝佢.........少爺仔好大方咁送咗一枝比佢, 阿仔~~借比佢咪得囉....！比咗佢就變咗自己冇得用囉, 又要買過....冇命呀！
少爺仔好大個仔樣呀﹗﹗﹗
回覆刪除我不太明白，點解開學要donation？是否要每個學生都帶自己的文具，然後大家分享一起用的意思？？？
我以為華人社會先會比較多人〞貪小便宜〞，估不到？？
另外high school 是否相等於香港的中四呀？？？
我孤陋寡聞，請解答﹗哈哈﹗
[版主回覆08/27/2011 00:02:00]美国的學校制度係老師供應文具比班內學生....加州老師工資係全美最低的一個州...低大約 30%, 所以咪叫家長捐囉.....美國人亦不例外...一樣米養百樣人呢！
呢边三歲開始入學前班(pre-school) 全私校...政府冇資助.....大小姐十年前讀時都八佰蚊美金一個月學費, 這兩年是 optional...所以有好多都唔讀。
五歲讀 kidergarten...讀公校係 free 嘅, 若好似大小姐八年前讀私校就要比七佰蚊學費一個...升小一就六佰幾蚊美金，
小一至小五為小學, 六至八為初中, 九至十二為高中,大小姐今年上 high school 即係九年班, 相比是香港的中三吧！完成十二年班就直上大學架喇！
加油加油，新學期新開始呢！
回覆刪除Have a nice weekend Motonako!
[版主回覆08/26/2011 23:36:00]You too.....
Summer vacation already over! But it looks like you'r busy all year round!
回覆刪除[版主回覆08/28/2011 14:18:00]巳經慣晒架喇...但忙得好開心呢！
乜美國咁早開學 嘅 ？ 係妳咁好人先至 donate 文具咋！不過點解要學生 donate 呢？ 嘩，睇見少爺仔個樣真係勁愁喎，點捱足成年呀喂！！
回覆刪除[版主回覆08/28/2011 14:22:00]早返咪早啲放暑假囉！
美國啲教學制度係咁架喇..
少爺仔好快就冇事架喇...尋日調咗位喇！
哈哈，卒之都輪到妳放暑假喇！ 咁要恭喜哂少爺仔脫離 咗 管家婆 嘅監管！
回覆刪除[版主回覆08/29/2011 14:24:00](Empty)
原來是這樣的﹗﹗﹗其實可以籌募班會費，那就可以買文具大家用囉﹗﹗原來做老師也不容易﹗﹗﹗
回覆刪除姨姨，如果你真的回香港，記得通知小牛啦﹗小牛等你呀﹗我現在好重呀﹗哈哈﹗
[版主回覆09/10/2011 10:21:00]哈哈.....真係想即刻飛返嚟抱抱 Abby 呢！
少爺仔個樣真係好愁! 希望佢可以早日調位
回覆刪除[版主回覆09/10/2011 10:20:00]So far OK 嘅！
証明你同少爺仔好friend, 連同學仔都識晒, 管家婆人如其名...少爺仔, good luck!
回覆刪除[版主回覆09/10/2011 10:19:00]幸好 so far 都相處 OK 唧！少爺仔好 nice ...應該冇事嘅！