暑期活動暫告一段落.....
各人都各自各精彩,
唔駛一早趕打網球同游水,
又唔駛做我安排的暑期作業,
總之就係 Free 喺喇！
而我亦有時間去整番啲隨心的美食,
心情輕鬆之餘.....就先來一個夏天醒胃的四川小吃吧！
我選用了English cucumber,
極之爽脆爽又冇核....是做拍青瓜的首選材料，
可別忘了在兩端磨大約十多吓....咁就唔會有"劫"味架喇！
我喜歡切成大約三吋長的 size 然後畧畧拍扁,
用 seedless 嘅青瓜好處係不用去核而又唔會拍到週圍都係,
先用適量鹽畧畧拌勻....會出水,
澀乾水份再用廚紙抹乾.....
加入蒜容~~兩湯匙
蔴油~~兩湯匙
魚露~~兩湯匙
呢隻牌子嘅魚露係最好味架！
糖~~–湯匙
美極醬油~~一湯匙
辣椒油~~兩茶匙
鎮江醋~~四湯匙
全部拌勻...
灑上芝蔴即可享用....
雪一晚後食時效果更佳.........超好味！
我就梗係要裝啲比家姐哋分享吓至得喇！
其實份量可因個人喜好隨意加减,
夏天咁熱食呢個四川涼拌拍青瓜就真係頂瓜瓜呀！
爽 我 用 三蟹子, 下次 試試這個
回覆刪除[版主回覆08/10/2011 00:55:00]我始終覺得富國正啲呢！
用鹽出完水後是否不需要再水清洗??
回覆刪除[版主回覆08/10/2011 00:54:00]唔駛架....整乾水就得架喇！
妳呢個係切黃瓜，都唔係拍黃瓜，真正拍黃瓜係就咁成條拍爛，所以個樣 "岩岩慚慚" o架！我一直都想搵個食譜，但一直都搵唔番，所以次次都係自己求其落類似調味就算數。 媽咪以前整中國青瓜都係咁樣頭尾磨 吓佢，咁就無苦澀味，但係我一直都半信半疑！到依家有溫室青瓜同西洋青瓜，我都無再磨喇，食落都係無苦澀味。 啱 啱睇完幟哥介紹，富國島出產 嘅魚露係全越南最頂級 o架，仲會有個 "AO" 嘜頭，妳 嗰邊都有得賣咁正呀！
回覆刪除[版主回覆08/10/2011 02:12:00]我係拍架....拍完自巳爛開兩边知嘛, 我只不過切個長度知嘛....我唔鐘意成條拍到爛晒唔靚仔嘛！
慣手磨咗先算喇....冇礙啫！
呢隻係我試過最正嘅魚露....頂瓜瓜架！美国咁多越南人....又點會冇富國賣吖！
如果我整的話，我應該全部都係切，一條都唔拍，費事 "飛" 到周圍都係，仲要抹廚房！ 乜美國好多越南人o架！
回覆刪除[版主回覆08/10/2011 10:03:00]越南難民超易嚟美國嘛....
唔拍醃唔入味架傻瓜....
好正呀! 你講既好味魚露, 邊度有得賣?
回覆刪除[版主回覆08/10/2011 10:05:00]超市有售....但你嗰边就唔知喇！99 冇呢隻架！
夏天食真係涼浸浸啊，正呀！
回覆刪除[版主回覆08/10/2011 14:54:00]你而家就要少食呀知嘛！
I am in the last month la, I think I can eat everything ???
回覆刪除I just had water melon yesterday evening, am I eating too early?
[版主回覆08/11/2011 13:40:00]嘩.....咁快架喇！咁食咩都冇問題喇.....
" 唔拍醃唔入味架 " 醃番耐 啲咪得囉！我整咁多次都未試過唔入味，只有太過濃味！
回覆刪除[版主回覆08/11/2011 13:38:00]冇理由嘅...咁你嗰個就係醃青瓜唔係拍青瓜喇！
...豬仔都整左喎..........
回覆刪除[版主回覆08/11/2011 13:37:00]咁正......
夏天首選
回覆刪除[版主回覆08/11/2011 13:37:00]Ymmy yummy....
我喜歡呢！
回覆刪除[版主回覆08/12/2011 06:28:00]Yeah!
上之我整青瓜酸咗D, 下次要試下你嗰款先...
回覆刪除[版主回覆08/13/2011 05:18:00]酸咗啲.....可能落得太多醋呢！試吓用碗開好個汁試咗味先落青瓜度就萬冇一失喇！
" 咁你嗰個就係醃青瓜唔係拍青瓜喇！ " 都唔聽書 o架！我都話我唔會整拍青瓜囉，費事拍到周圍飛，之後要抹廚房呀！
回覆刪除[版主回覆08/14/2011 15:13:00]咁咪唔係拍青瓜囉....冇錯呀！
你咁樣雪定又幾好噃 ~ 喜歡時就可以吃 ~ GOOD!
回覆刪除[版主回覆08/20/2011 15:23:00]係呀....就咁食同送飯都一流呀！