頂唔順喇！

近呢幾年 Summer 都返咗香港,

真係有啲唔記得呢度係有幾咁熱..？！？

今日有成華氏 106 度.......真係無命,

一出街就唔多願落車,

但無計吖...鬼叫我要做柴可夫咩！

天氣咁熱....lunch 都有咁簡單得咁簡單,

鮮果火腿沙律是也......

喺企開行冷氣嘆冰凍沙律........醒神呀！

晚餐就整咗 Teriyaki Chicken....我係用雞胸嚟整嘅！

繼續全家至愛嘅三文魚

蒜蓉豆豉 肉片炒瓜瓜

哈....今日有湯喇.....

蠔豉瑤柱冬菇紅蘿蔔腐竹湯是也,

真係甜到呢......

熱得要命....

星期日一口氣剪咗三個靚髮,

大少、少爺仔、and myself....

大小姐話留長喎.....所以唔肯剪,

剪短髮嘅少爺仔係咪視覺上肥咗啲呢？

今日又熱又冇咩風添.....

而家仲係六月就巳經熱成咁.....

呢個暑期真係唔知点算好喇！

肉汁

自從少爺仔睇完中醫之後.

中醫師建意少爺仔每日飲新鮮肉煲的肉汁,

因少爺仔血氣運行唔好....也有可能導致抽筋的原因,

所以現在我每日都煲肉汁比少爺仔飲,

一星期下來....見少爺仔面色都好咗啲咁,

希望真係有幫助喇！

做去亦非常簡單....

1/4 磅肉 (牛、豬、雞均可) 切碎，

用 3/4 碗水浸兩小時

跟住用大火煲滚.....隔渣便可飲用,

喺美国边樹有時間日日去買新鮮肉吖...

為保新鮮.....

惟有用 Food Saver 機將啲肉真空包裝處理好,

咁咪唔駛放入冰格....放雪櫃亦可保鮮成個星期囉！

預早切好所須份量...之後斬成碎肉便可，

個別包裝又衛生....麻煩啲都冇問題呢！

少爺仔....你要加油呀！

快啲好番....做個健康快樂嘅小朋友呢！

真係咁苦....？！？！

真係咁苦咩？？？

見倒有山渣餅先識笑呀！

自己飲....

好叻仔呀！

 

飲完瞓番個靚瞓先.......

之前真係好驚少爺仔唔肯飲中藥,

幸好沒有想像中的差....

第一次飲....算好叻仔呢！

希望中藥對佢有幫助喇！

三管齊下.....游水、飲肉汁、中藥,

只要有幫助我都會去試....辛苦啲完全唔係問題,

只望你能健健康康地成長.....我巳心足了！

Kimchi seafood soup

為咗清埋上次整嘅 Kimchi.............

咁就嚟個泡菜海鮮辣豆腐湯吧！

真係唔講得笑呀.....好足料呢！

有鮮魷、生蠔仔、蝦、鮮帶子、豆腐、粉絲同主角泡菜。

認真唔講得笑........正到 C 呀！！

部份鮮魷用嚟炒西蘭花,

味道唔錯.....好夾！

呢排真係辣出癮呀......

真係要暫停吓至得喇！

咪天口咁熱....加埋啲辣嘢就真係不得了呢！

就快冇得食喇！

墨西哥灣油污事件的影響可說是沒完沒了，

影響之大实在無可估計.....

對我們影響最大而又即刻可見的卻是鮮魚的價格,

以三文魚為例....在短短幾個月巳經由US$6.99 升至US$9.00 一磅,

這價錢巳是在大型貨倉 Costco 的售價,

而小型超市就更去十幾蚊一磅,

以我們每星期總有兩三天食三文魚的習慣來說,

真的無疑增加了開支.....

但聽講遲啲有錢都冇得食添呀！

点算？？？

襯宜家仲有貨....真係要食多啲至得喇！

呢排暑假開始就忙過不定,

唔好話整咩特別嘢喇....

正餐都求其咗好多呢！

好似呢碟雞翼....就咁用鹽醃咗蒸就算架喇！

簡單到連洋䓤炒蛋都出埋,

不過話時話加埋啲䓤花...味道都幾唔錯架！

清炒羅馬生菜

前晚就整咗薯仔炒雞胸肉

煎魚

蒜蓉椰菜花

真係想唔簡單都唔得喇,

呢個星期連湯都冇煲呀.....

鬼咩....日日要煲肉汁....

仲有煲中藥比少爺仔飲,

喺未接獲任何投拆之前.....

真係要諗諗佢至得喇！

暑期第一擊

暑期活動呢個星期正式開始,

少爺仔游水的第一堂....

環境同天氣都一流呀！

我都有想跳落水的衝動呢！

今年第一次落水....

睇少爺仔有啲緊張呀！

 

落水後的少爺仔就咩都冇有怕喇....

我鈡意呢班只有三個学生.....唔太多啱啱好，

游完水的少爺仔好開心呢！

第二日.....已經唔再怕水,

仲舉起勝利手勢添！

少爺仔咁快收倒風.....

佢話我七歲......個游水教練就十七歲喎！

少爺仔...你真係八呀！

超喜歡這裏的環境呀.......

少爺仔睇見呢條巨型滑水梯就想即刻去玩呢！

仲係要扶先敢跳.....

頭都未敢放晒入水......大膽啲喇少爺仔！

睇吓游完幾神氣吖佢.....

少爺仔行嚟第一句就話......

I love to swim, mommy！Yeah！！

昂然進入第三天.....

係咪好英呢？

終於自己敢跳水呢....Good job, Ayden！

Hooray！

呢度無論係環境及設備都一流.....

沖身室超正.....可容立整個 Family 呢！

由少爺仔親身介紹,

個別的沖身室....

厠所有隔開架.....

更有寬濶的更衣空間.....

昂然進入第四天....

Much much better la.....

大小姐的 Tennis class 亦在這天開始....

呢星期比上個星期更忙,

Tennis~~8:30am to 9:30am Tue to Fri

Swimming~~10:00am to 11:40am Mon to Thur

Life guard~~6:00pm to 6:55pm Mon to Thur

車來車去...全日無時停,

無計喇...為咗佢哋開心,

最重要係運動有益身心嘛,

辛苦啲又有咩所為呢！

不過...這只是為暑期活動展開的序幕,

之後還有不小活動加入呢！

你話我仲边有時間寫 blog 呢？

不過...有咩開心得過睇住兒女開心快樂咁成長吖,

深信我哋將來都會有個美好的回憶呢！