停不了的"食"

今次落唐人埠有兩個目的,

一係買些喺呢樹先有嘅嘢......鱷魚肉,

二係同少爺仔睇中醫,

西醫對少爺仔可說昰束手無策,

對於照腦我都有所保留...怕幅射，

惟有試吓睇中醫喇！

攪掂晒都成六点幾...所以就順便喺樹開餐,

喺唐人埠真係好難揾好嘢食架....

今日唔同往日喇.....水準比起十年前差了很多呢！

呢間叫做食咗咁多年都算不過不失喇！

例湯~~青紅蘿蔔煲排骨

羊腩煲

排骨煲飯

清炒菜心

蒸鰂魚

肉丸海參煲

羅漢齋煲

綠豆沙

每次去唐人埠都会去如意齋買外賣....酸齋係我嘅至愛,

糯米壽司也昰必選之一呢！

內裏有花生、紅蘿蔔及冬菇...好味！

少爺仔的藥方....

醫生一望就話佢有好多風,

把埋脈就話係肝虛.....

雖然我唔係好明....但都試吓喇！

執咗三劑試吓得唔得。

好驚佢唔肯飲藥呢！

少爺仔的第一濟中藥今日終於煲好咗,

加咗少少蜂蜜....好彩少爺仔都肯飲,

中醫又教我每日比肉汁少爺仔飲，

試咗兩日...加上開始咗游水,

希望對少爺仔有幫助喇！