牛肉乾 (附食譜)

之前喺 Clara's  Blog 度一見就巳經心郁郁想整架喇！

終於都動功喇......參考了幾個食譜,

加以改良.....調教出自己喜愛的味道來,

但始終唔喜歡碎牛肉的口感....有待改良改良至得。

材料：

牛肉碎一磅 

鹽            一茶匙

蠔油        半湯匙

魚露        兩湯匙

生抽        兩湯匙

老抽        一湯匙

酒            一湯匙

糖            半杯

玉桂粉    半茶匙

黑椒        隨意

蜜糖        一湯匙 (用兩湯匙水開)

1.)   將所有材料 (除蜜糖外) 放入大碗，攪拌直至杰身。

2.)  焗盤鋪上錫紙，在錫紙上將材料用匙羹平均推壓至薄片，

3.)  放入預熱焗爐 350F 焗二十分鐘。 

4.)  焗的時候肉會收縮，顏色亦會變深, 更排出大量水份, 取出先弄乾水份,

5.)  然後將牛肉乾剪成喜愛的大小，塗上蜜糖水，

6.)  再用 Broil 功能 400F 烤每边大約五分鐘，直至喜愛的香度...完成。

包得靚靚後送與親友們分享,

今次一共做了六磅半的份量,

大約剪成 3" x 4" 的大小,

一共做了四十件.....都唔係好多咋！

味道好似街外咁正...但唔喜歡碎牛的口感,

下次試用原塊薄牛肉試吓至得。